নিউজ ডেস্ক, ৬ জুলাই : ৰাজ্যত বৰ্তমানেও অব্যাহত আছে চোৰাং গৰুৰ সৰবৰাহ। মঙলবাৰে নিশা অবৈধভাৱে গৰুৰ চোৰাং সৰবৰাহ কৰাৰ সন্দেহত গুৱাহাটীৰ আৰক্ষীয়ে দুখন বাহন জব্দ কৰে আৰু চাৰিজন লোকক গ্ৰেপ্তাৰ কৰে।
যোৱা নিশা বশিষ্ঠ আৰক্ষীয়ে চলোৱা অভিযানত গৰু কঢ়িওৱা দুখন বাহন জব্দ কৰা হৈছিল। লগতে বাহন দুখনৰ চালক আৰু হেন্ডিমেন কেইজনকো জিম্মাত লোৱা হৈছিল।
বিষয়াসকলে জনোৱা অনুসৰি দুয়োখন বাহনৰ পৰা প্ৰায় ১০ টা গৰু উদ্ধাৰ কৰা হৈছে ।
বিষয়াসকলে লগতে জনাইছিল যে আৰক্ষীয়ে জব্দ কৰা দুখন বাহনৰ পঞ্জীয়ন নম্বৰ আছিল AS 01 MC 1162 আৰু AS 13 AC 3332।
উল্লেখ্য যে গৰুবোৰ Karmup জিলাৰ ছয়গাঁৱ আৰু দৰং জিলাৰ পৰা গুৱাহাটীলৈ চোৰাংকৈ অনা হৈছিল।
আনহাতে, আটকাধীন ব্যক্তিকেইজনক কামৰূপ জিলাৰ ছায়গাঁৱৰ বাসিন্দা মানিক আলী আৰু জাহিদুল ইছলাম বুলি চিনাক্ত কৰা হৈছে। আৰু বাকী দুজন হাতীগাঁওৰ আজগৰ আলী আৰু দৰংৰ পংকজ দাস।
সম্প্ৰতি,চাৰিওজন লোকৰ ওপৰত জেৰা চলি আছে।