বিলাসীপাৰা,১৮নৱেম্বৰ: বিলাসীপাৰাৰ টোকৰাবান্ধাত লোমহৰ্ষক হত্যাকাণ্ড।অতি নৃশংস ভাৱে হত্যা কৰি গাতত পুতি থৈছিল এগৰাকী বোৱাৰীক।
ঘটনা বিৱৰণী অনুসৰি, চাৰি বছৰ পূৰ্বে টোকৰাবান্ধা গাঁৱৰ ৰফিকুল ইছলাম লগত বিবাহপাশত আৱদ্ধ হৈছিল এইগৰাকী যুৱতী। বিবাহৰ পিছৰে পৰাই গুৱাহাটীত ই-ৰিক্সা চলাইছিল ৰফিকুল ইছলামে। বিগত এমাহৰ পৰা হঠাতে নিৰুদ্দেশ হৈ পৰে পত্নী ৰমেনা খাতুন(Sensational Incident)।
কিন্তু আজি গুৱাহাটী, বিলাসীপাৰা আৰু চাপৰ আৰক্ষীৰ অভিযানত অৰ্ধগলিত মৃতদেহ উদ্ধাৰ কৰে আৰক্ষীয়ে। এমাহ পূৰ্বে অতি নৃশংস ভাৱে হত্যা কৰি গাতত পুতি থৈছিল বুলি ধাৰণা আৰক্ষীৰ । টোকৰাবান্ধা পাহাৰত JCB ৰে গাত খান্দি উদ্ধাৰ কৰে ৰমেনা খাতুনৰ অৰ্ধগলিত মৃতদেহটো।
ৰমেনাৰ ঘৰ দক্ষিণ শালমাৰাৰ পাটাকাত। এই লোমহৰ্ষক ৰমেনাৰ হত্যাকাণ্ডৰ লগত জড়িত থকা অভিযোগত গুৱাহাটী আৰক্ষীয়ে ৰফিকুলৰ ভাতৃ হাবিজুল সহ আটক কৰিছে কেইবাজনো লোকক।বৰ্তমান লৈ পলাতক দুধৰ্ষ ৰফিকুল ইছলাম।
কি কাৰণত এই নৃশংস হত্যাৰ বলি হ’ল ৰমেনা খাতুন, সেয়া বৰ্তমানলৈ ৰহস্য আৱৰ্তত!
লগতে পঢ়ক:Assamese singer Zubeen Garg : জুবিন গাৰ্গলৈ ‘ড° ভূপেন হাজৰিকা বঁটা ২০২৫’