Seema Haider News : সীমা হাইদৰৰ সন্দৰ্ভত পাক সন্ত্ৰাসবাদীৰ ভাবুকি, “সীমাক পাকিস্তানলৈ ঘূৰাই দিয়ক, অন্যথা হিন্দু মহিলাক…”
নেশ্যনেল ডেস্ক, ১২ জুলাই : ভাৰতে সীমা হাইদৰক পাকিস্তানলৈ ঘূৰাই পঠিয়াব নোৱাৰিলে হিন্দু মহিলাক ধৰ্ষণ আৰু মৃত্যুৰ ভাবুকি দিয়ে ঝকৰাণী জনগোষ্ঠীৰ পাকিস্তানী পুৰুষে(Seema Haider News)।
শেহতীয়াকৈ বেলুচিস্তানৰ ঝকৰানী জনগোষ্ঠীৰ পাকিস্তানী পুৰুষৰ এটা দলে ভাৰতে সীমা হাইদৰক পাকিস্তানলৈ ঘূৰাই পঠিয়াব নোৱাৰিলে পাকিস্তানৰ সিন্ধত হিন্দু মহিলাক ধৰ্ষণ কৰি হত্যা কৰাৰ ভাবুকি দিছে । পাকিস্তানী পুৰুষসকলে হিন্দু মহিলাক ভাবুকি দিয়াটো নিৰ্লজ্জভাৱে দেখা পোৱা গৈছে এটা ভিডিঅ’ত । সেই ভিডিঅ’টো ১১ জুলাইত @maheshmvasu এ টুইটাৰত শ্বেয়াৰ কৰিছিল।
“১০ জুলাই জেকবাবাদ, সিন্ধ, পাকিস্তান: ডাকোইট বেলুচ ঝকৰানি জনগোষ্ঠীৰ অন্তৰ্গত ভাৰতে তেওঁলোকৰ বোৱাৰী #SeemaHaider Jhakraniক সন্তানৰ সৈতে ঘূৰাই পঠিয়াব নোৱাৰিলে সিন্ধত হিন্দুক ধৰ্ষণ কৰাৰ মৃত্যুৰ ভাবুকি প্ৰদান কৰে । সীমা দেউতাক গুলাম ৰাজা ৰিন্দে ১৬.০২.২০১৪ তাৰিখে গুলাম হাইদৰ ঝকৰানীৰ সৈতে বিয়া কৰাইছিল । AWAZ TV JACOBABAD, ভিডিঅ’টো শ্বেয়াৰ কৰাৰ সময়ত এইদৰে লিখিছে টুইটাৰ ব্যৱহাৰকাৰীগৰাকীয়ে।
উল্লেখ্য যে অবৈধভাৱে ভাৰতত প্ৰৱেশ কৰাৰ অপৰাধত ৪ জুলাইত গ্ৰেপ্তাৰ হোৱাৰ পিছত সীমা হায়দৰে শিৰোনাম দখল কৰিছিল । পিছত ৭ জুলাইত জামিনত মুকলি কৰি দিয়া হৈছিল । পাকিস্তানী মহিলাগৰাকীয়ে প্ৰায় এমাহ পূৰ্বে উত্তৰ প্ৰদেশৰ গ্ৰেটাৰ নয়ডাত তেওঁৰ প্ৰেমিক শচীনৰ সৈতে থাকিবলৈ তেওঁৰ চাৰিটা সন্তানৰ সৈতে নেপাল হৈ ভাৰতত প্ৰৱেশ কৰিছিল । তেওঁ আৰু পাকিস্তানলৈ ঘূৰি নোযোৱাৰ পৰিকল্পনা কৰিছিল ।
উল্লেখযোগ্য যে সীমা হাইদৰৰ প্ৰথম স্বামীৰ সম্পূৰ্ণ নাম গুলাম হাইদৰ ঝকৰাণী, আৰু তেওঁ এই একেটা জনগোষ্ঠীৰ । গুলাম হাইদৰে প্ৰধানমন্ত্ৰী নৰেন্দ্ৰ মোডী আৰু ভাৰত চৰকাৰক তেওঁৰ পত্নী আৰু সন্তানক পাকিস্তানলৈ ঘূৰাই পঠিয়াবলৈ আহ্বান জনাইছিল।
টুইটাৰ ব্যৱহাৰকাৰী মহেশ ভাছুৱে শ্বেয়াৰ কৰা এই ভিডিঅ’টো প্ৰথমে ১০ জুলাইত পাকিস্তানৰ কৰাচীত মুখ্য কাৰ্যালয় থকা স্থানীয় সিন্ধ টেলিভিছন চেনেল আৱাজ টেলিভিছন নেটৱৰ্কে ফেচবুকত শ্বেয়াৰ কৰিছিল।০.৪৫ ছেকেণ্ডৰ ভিডিঅ’টোৰ আৰম্ভণিতে মুখঢাকি অস্ত্ৰধাৰী পাকিস্তানী লোকসকলে নিজকে ঝাকৰানী জনজাতিৰ লোক বুলি পৰিচয় দিয়ে । তাৰ পিছত সীমা হাইদৰক ভাৰত চৰকাৰে পাকিস্তানলৈ ঘূৰাই পঠিয়াবলৈ দাবী জনায় । অত্যন্ত অশ্লীল ভাষা ব্যৱহাৰ কৰি পুৰুষসকলে ভাবুকি দিয়ে যে পাকিস্তানৰ সিন্ধৰ প্ৰতিগৰাকী হিন্দু নাৰীক চিকাৰ কৰিব, ভাৰত চৰকাৰে যদি তেওঁলোকৰ দাবীৰ অধীনত থাকিবলৈ অস্বীকাৰ কৰে তেন্তে তেওঁলোকক ধৰ্ষণ কৰি হত্যা কৰাৰ ভাবুকি প্ৰদান কৰে ।
উল্লেখ্য যে PUBG খেলি খেলিয়েই এগৰাকী পাকিস্তানী মহিলাই প্ৰেমত পৰিছিল গ্ৰেটাৰ নয়ডাৰ এজন যুৱকৰ(Pakistani woman falls in love with Indian Youth) । কেৱল এয়াই নহয়, মহিলাগৰাকীৰ ভালপোৱা ইমানেই গভীৰ আছিল যে তেও চাৰিটা সন্তানক লগত লৈ প্ৰেমিকক লগ কৰিবৰ বাবে গ্ৰেটাৰ নয়ডাস্থিত যুৱকৰ ঘৰ পাইহি । ইয়াৰ পিছতে মহিলাগৰাকীৰ সৈতে ৰাবুপুৰাৰ এটা ভাড়াঘৰত থাকিবলৈ আৰম্ভ কৰে যুৱকজনে ।
প্ৰায় ডেৰ মাহৰ অন্তত যেতিয়া আৰক্ষীয়ে এই কথা জানিব পাৰিলে, তাৰ পিছতেই গ্ৰেটাৰ নয়ডা সৃষ্টি হয় এক আলোড়নৰ । কিন্তু আৰক্ষীৰ জালত পৰাৰ পূৰ্বেই মহিলাগৰাকীয়ে সন্তান আৰু প্ৰেমিকৰ সৈতে ৰাবুপুৰাৰ সেই ভাড়াঘৰৰ পৰা পৰা পলায়ন কৰে । ইফালে আৰক্ষীয়ে মহিলাগৰাকীৰ সন্ধানত অভিযান অব্যাহত ৰাখিছে ।
তথ্য অনুসৰি, ২০২০ চনত অনলাইন গেম PUBG খেলি থকাৰ সময়তে শচীনৰে চিনাকি হৈছিল পাকিস্থানৰ এই মহিলাগৰাকীৰ সৈতে । ইফালে এই মহিলাগৰাকীয়ে পূৰ্বে কৰাচীৰ বাসিন্দা হাইদৰ নামৰ এজন ব্যৱসায়ীৰ সৈতে বিবাহপাশত আবদ্ধ হৈছিল । তিনি কন্যা আৰু এটি পুত্ৰ সন্তানৰ মাতৃ এই মহিলাগৰাকীক বিভিন্ন ধৰণে অত্যাচাৰ কৰিছিল তেওঁৰ স্বামী হাইদৰে । পৰৱৰ্তী সময়ত মহিলাগৰাকীয়ে স্বামীৰ কাষৰ পৰা আঁতৰি আহে । লাহে লাহে তেওঁ অনলাইন গেম PUBG ৰ প্ৰতি আসক্ত হৈ পৰাৰ সমান্তৰালভাৱে গ্ৰেটাৰ নয়ডাৰ বাসিন্দা শচীনৰ লগত বন্ধুত্বৰ সম্পৰ্ক গঢ়ি তুলে । এনেদৰেই দুয়োৰে মাজত ঘনিষ্ঠতা বাঢ়িবলৈ আৰম্ভ কৰে আৰু আজীৱন দুয়ো একেলগে থকাৰ পণ লয় । ইফালে শচীনেও মহিলাগৰাকীক লগ কৰিবলৈ দুবাৰকৈ নেপাললৈ যায় । পৰৱৰ্তী সময়ত চাৰি সন্তানসহ মহিলাগৰাকীয়ে পাকিস্তানৰ পৰা বিমানেৰে নেপাললৈ আহি ১৩ মে’ত উত্তৰ প্ৰদেশৰ গৌতম বুদ্ধ নগৰ জিলাৰ ৰাবুপুৰাস্থিত শচীনৰ ঘৰত উপস্থিত হয় ।
আনহাতে মহিলাগৰাকীয়ে শচীনৰ লগত বিবাহপাশত আবদ্ধ হৈ ভাৰতীয় নাগৰিকত্ব লোৱাৰ পৰিকল্পনা কৰিছিল । ইয়াৰ বাবে আইনী সহায় লোৱা হৈছিল যদিও বিষয়টো স্থানীয় আৰক্ষীৰ দৃষ্টিগোচৰ হয় । আৰক্ষীয়ে তালাচী কৰাৰ আগতীয়াকৈ উমান পাই অতি কৌশলেৰে চাৰি সন্তান আৰু যুৱকজনৰ সৈতে মহিলাগৰাকীয়ে ঘৰটোৰ পৰা পলায়ন কৰে ।
লগতে পঢ়ক : Another Shraddha like murder in Delhi: দিল্লীৰ গীতা কলনীত টুকুৰা টুকুৰ অৱস্থাত উদ্ধাৰ মহিলাৰ মৃতদেহ