নিউজ ডেস্ক,২০ জুন : শিৱসাগৰত ভয়ংকৰ পথ দুৰ্ঘটনা । বুধবাৰে নিশা শিৱসাগৰৰ দৰিকাপাৰৰ অৰ্ধনিৰ্মিত চাৰিলেনযুক্ত ৩৭ নং ৰাষ্ট্ৰীয় ঘাই পথত সংঘটিত হয় এই ভয়ংকৰ পথ দুৰ্ঘটনাটো।
জানিব পৰা মতে,এখন তীব্ৰবেগী চাৰিচকীয়া বাহনে মহটিয়াই নিয়ে ৪জন যুৱকক। এএছ ২৩ এন ২২৫৪ ছুইফ্ট বাহনখনে পথৰ দাতিত বহি থকা অৱস্থাতে মহতিয়াই নিয়ে যুৱককেইজনক(Road Accident in Sivasagar) ।
এই ভয়ংকৰ দুৰ্ঘটনাটো সংঘটিত হোৱাৰ পিছতে আহত যুৱককেইজনক ততাতৈয়াকৈ উদ্ধাৰ কৰি সংকটজনক অৱস্থাত AMCHত লৈ প্ৰেৰণ কৰে ।
আহতসকলৰ মাজত আছে ক্ৰমে দৰ্পন বৰগোঁহাই(২৪),বিশ্বজিৎ নাথ(২৯),পৰশমনি মেছ(২০) আৰু ৰাহুল(২৫) । ইয়াৰে দৰ্পন বৰগোঁহাই আৰু বিশ্বজিৎ নাথৰ আঘাত গুৰুতৰ।
গুৰুতৰভাৱে আহত হোৱা যুৱক দুজনৰ চিকিৎসাধীন অৱস্থাত মৃত্যু হয়। মৃত যুৱক দুজনৰ নাম পৰশমণি মেচ (২০) আৰু ৰাহুল ওৰফে মাইনা (২৫)।
ভুল দিশেৰে গৈ বাহনখনে খুন্দা মাৰে যুৱক দুজনক। পথৰ কাষত বহি থকাৰ সময়তে দ্ৰুতবেগী বাহনখনে মহতিয়াই নিয়ে যুৱক দুজনক। যুৱক দুজনক খুন্দা মাৰি ডিভাইডাৰত খুন্দিয়াই লুটি খাই বাগৰি পৰে বাহনখন। ফলত বাহনখনত থকা দুই যুৱকো গুৰুতৰভাৱে আহত হয়। আহত হয় দৰ্পণ বৰগোহাঁই আৰু বিশ্বজিৎ নাথ।