নেশ্যনেল ডেস্ক, ২ ডিচেম্বৰ : বিবাহ অনুষ্ঠানলৈ যোৱা বাহন দুৰ্ঘটনাগ্ৰস্ত । শিশুসহ নিহত চাৰিজন লগতে আহত কেইবাজনো (Rajasthan Road Accident)।
এক শোকাৱহ দুৰ্ঘটনা । ৰাজস্থানত সংঘটিত হৈছে এই শোকাৱহ দুৰ্ঘটনাটো ।শুকুৰবাৰে নিশা ৰাজস্থান চুৰুত তীব্ৰবেগী ট্ৰাক আৰু চাৰিটকীয়া বাহনৰ মাজত মুখামুখী সংঘৰ্ষ হয় ।
জানিব পৰা মতে চাৰিচকীয়া বাহনখন যাত্ৰীসহ বিবাহ অনুষ্ঠানলৈ গৈ আছিল । বাহনখনত শিশুসহ চৈধ্যজন যাত্ৰী আছিল। এই আটাইকেইজন যাত্ৰী বীৰামসৰ আৰু সুৰজানসৰ গাঁৱৰ পৰা বন্ধনৌ বিবাহ অনুষ্ঠানলৈ গৈ আছিল। সেই সময়তে আদছাৰ গাঁৱৰ পৰা চাৰি কিলোমিটাৰ দূৰৈৰ চৰ্দাৰশ্বহৰ অভিমুখে ৰাজ্যিক ঘাইপথত এখন অচিনাকি বাহনে গাড়ীখনত খুন্দা মাৰে। এই সংঘৰ্ষ ইমানেই ভয়ংকৰ আছিল যে বাহনখন টুকুৰা টুকুৰ হৈ পৰে আৰু গাড়ীখনত যাত্ৰা কৰা তিনিটা শিশুৰ থিতাতে মৃত্যু হয় লগতে আহত হয় কেইবাজনো। শিশুসকলৰ বয়স দহৰ পৰা বাৰ বছৰৰ ভিতৰত বুলি জানিব পৰা গৈছে ( Road Accident in Rajasthan)।
এই ভয়ংকৰ দুৰ্ঘটনাটোৰ খবৰ পোৱাৰ লগে লগে কেইবাখনো থানাৰ আৰক্ষীয়ে ঘটনাস্থলীত উপস্থিত হয় আৰু আহত লোকসকলক ততাতৈয়াকৈ উদ্ধাৰ কৰি চিকিৎসালয়লৈ প্ৰেৰণ কৰে । গাড়ীখনৰ বহু অংশ কাটি শিশুক উদ্ধাৰ কৰাৰ লগতে আন যাত্ৰীক উলিয়াই অনা হয়।
এই ভয়ংকৰ ঘটনাৰ সম্পৰ্কে নিশাই ভুক্তভোগীৰ পৰিয়ালক খবৰ দিয়া হয়। ঘটনাৰ সম্পৰ্কে পৰিয়ালৰ লোকে খবৰ পোৱাৰ লগে লগে বিকানেৰৰ জিলা চিকিৎসালয়ত উপস্থিত হয় ।
লগতে পঢ়ক : Road Accident in Nagaon : তীব্ৰবেগী ট্ৰেভেলাৰ,মটৰ চাইকেল আৰু অটোৰ মাজত সংঘৰ্ষ