ৰাভা দিৱস-২০২২
![](https://mynewsne.com/wp-content/uploads/2022/06/WhatsApp-Image-2022-06-20-at-2.04.51-PM.jpeg)
“তেজৰ বোলেৰে লিখি
যাম ইতিহাস
মচি যাম দীন সমাজৰ হীন
পৰিসাৰ।”
নিউজ ডেস্ক, ২০ জুন : আজি ২০ জুন। অসমীয়া সাংস্কৃতিক নৱন্যাসৰ এক কাণ্ডাৰী, শিল্পৰ প্ৰতিটো পথেৰে, বিপ্লৱৰ প্ৰতিটো বাটেৰে অসমৰ খিলঞ্জীয়া মানুহৰ মুকুতিৰ সপোন দেখা কলাগুৰু বিষ্ণুপ্ৰসাদ ৰাভাৰ আজি মৃত্যুদিৱস ৷
কলাগুৰু বিষ্ণু প্ৰসাদ ৰাভাক সন্মান জনাই তেখেতৰ মৃত্যুদিৱস ২০ জুনত ৰাভা দিৱস পালন কৰা হয়।
বিষ্ণুপ্ৰসাদ ৰাভা (৩১ জানুৱাৰী, ১৯০৯- ২০ জুন, ১৯৬৯) অসমৰ এজন কবি, সাহিত্যিক, নাট্যকাৰ, সংগীতজ্ঞ, নৃত্যবিদ, চিত্ৰকৰ, অভিনেতা আৰু মুক্তি যুঁজাৰু আছিল। কাশীৰ হিন্দু বিশ্ববিদ্যালয়ত প্ৰদৰ্শন কৰা “নটৰাজ” নৃত্যত বিমুগ্ধ হৈ আৰু তেখেতৰ সাংস্কৃতিক বৰঙনিলৈ সন্মান জনাই সেইসময়ৰ হিন্দু বিশ্ববিদ্যালয়ৰ উপাচাৰ্য্য ড° সৰ্বপল্লী ৰাধাকৃষ্ণনে তেখেতক ১৯৩৯ চনত কলাগুৰু উপাধি প্ৰদান কৰিছিল ৷
ৰাভা দিৱস উপলক্ষে আজি ৰাজ্য চৰকাৰৰ ৰাজ্যিক সাংস্কৃতিক পৰিক্ৰমা সঞ্চালকালয়ে ডিব্ৰুগড় জিলাৰ Chowkidingeeত আয়োজন কৰা অনুষ্ঠানত ৰাজ্যখনৰ দুজন বিশিষ্ট শিল্পীক বিষ্ণু ৰভা বঁটাৰ লগতে , আন ১২ টা বঁটা প্ৰদান কৰিব। এই সন্মানসমূহত, তিনিটা ৰাষ্ট্ৰীয় সন্মানো অন্তৰ্ভুক্ত আছে। যি সন্মান কলা, সংস্কৃতি আৰু সাহিত্যত গুৰুত্বপূৰ্ণ অৱদান আগবঢ়োৱা ৰাজ্যৰ কেইবাজনো বিশিষ্ট ব্যক্তিক প্ৰদান কৰিব ।