বঢ়মপুৰ বিধানসভা সমষ্টিৰ একমাত্ৰ পৌৰসভা কামপুৰৰ অতি গুৰুত্বপূৰ্ণ পথে জ্বলা কলা খুৱাইছে ৰাইজক। পৰিৱৰ্তনকামী চৰকাৰৰ এয়া পৰিবৰ্তনৰ নমুনা। কামপুৰ নগৰ সমিতিৰ পথ জৰাজীৰ্ণ অৱস্থা।
বঢ়মপুৰ সমষ্টিৰ ৫টা ৱাৰ্ডৰে গঠিত কামপুৰ নগৰ সমিতিৰ বাট-পথৰ শোচনীয়তাই প্ৰকাশ কৰিছে চৰকাৰৰ উন্নয়নৰ নমুনা। পৌৰসভা এলেকাৰ পথৰ জৰাজীৰ্ণ ৰূপত এতিয়া অতিষ্ঠ হৈ পৰিছে নগৰবাসী। উল্লেখ্য যে ২০০১ বৰ্ষতে কামপুৰৰ ৫টা ৱাৰ্ডক সংযুক্ত কৰি গঠন কৰা হৈছিল কামপুৰ নগৰ সমিতি। কিন্তু সুদীৰ্ঘ ২০ বছৰে উন্নয়নৰ নামত নগৰবাসীয়ে যাতায়ত আৰু যোগাযোগৰ বাবে ব্যৱহাৰ কৰা বিশেষকৈ ৪নম্বৰ আৰু ৩নম্বৰ ৱাৰ্ডৰ অতি গুৰুত্বপূৰ্ণ পথ কেইটাই যমৰ যান্ত্ৰনা ভোগাই আহিছে নগৰবাসীক। কামপুৰ নগৰ আৰু কামপুৰ শংকৰদেৱ বিদ্যা নিকেতন সংযোগী অতি ব্যস্ত পথৰ শোচনীয় অৱস্থাই কামপুৰ নগৰবাসীৰ মনত তীব্ৰ প্ৰতিক্ৰিয়াৰ সৃষ্টি কৰা পৰিলক্ষিত হৈছে। ৩৫ টা বছৰে ৰাজত্ব কৰা প্ৰাক্তন মূখ্যমন্ত্ৰী প্ৰফুল্ল কুমাৰ মহন্তই গুৰুত্ব দিয়া নাই সমষ্টিবাসীক।
