শাক পাচলিৰ ভিতৰত স্বাস্থ্যসন্মত তথা অতি সুস্বাদু এবিধ পাচলি হ’ল ৰঙালাউ। ৰঙালাউ বহুতৰে প্ৰিয়। ৰঙালাউ এনে এবিধ পাচলি যাক বেয়া পোৱা মানুহৰ সংখ্যা যথেষ্ট কম(People Who Should Avoid Pumpkin)।
পুৰণি কালৰে পৰা পাচলি হিচাপে ৰঙালাউৰ ব্যৱহাৰ তথা খেতি কৰি অহা দেখা গৈছে। ৰঙালাউৰ জনপ্ৰিয়তাৰ কাৰণ হ’ল ইয়াৰ খাদ্যমুল, উপকাৰিতা, সোৱাদ, সুন্দৰ ৰং ।
ৰঙালাউ এবিধ অতি পুষ্টিকৰ পাচলি। ইয়াক বিভিন্ন ধৰণে খাব পৰা যায়। ইয়াক বিভিন্ন জোখত কাটি বিভিন্ন ধৰণে ব্যঞ্জন বনাই খোৱা হয়। ৰঙালাউৰ উপকাৰিতা যথেষ্ট আছে। ইয়াৰ গছৰ কুমলীয়া আগ, পাত আদিকে ধৰি গুটি পৰ্য্যন্ত খাব পাৰি আৰু এইবোৰে যথেষ্ট পুষ্টিৰ যোগান ধৰে আৰু খাদ্যত জুতি প্ৰদান কৰে। ই এবিধ কম কেল’ৰিযুক্ত, কলেষ্টেৰলৰ সমস্যা নথকা তথা যথেষ্ট আঁহযুক্ত পাচলি, য’ত যথেষ্ট পৰিমাণৰ খনিজ পদাৰ্থ, ভিটামিন, এন্টি অক্সিডেন্ট আদি থাকে।
গতিকে কলেষ্টেৰলৰ নিয়ন্ত্ৰণ তথা ওজন কমাব খোজা ব্যক্তিয়ে এনে ধৰণৰ পাচলি খাব পাৰে। আন আন লাউজাতীয় পাচলিবোৰৰ ভিতৰত ৰঙালাউতেই আটাইতকৈ বেছি ভিটামিন এ থাকে, যাৰ উপকাৰিতা অলেখ। ই হ’ল এটি উল্লেখযোগ্য এন্টি অক্সিডেন্ট, যিয়ে দৃষ্টিশক্তি শক্তিশালী কৰি ৰাখিব পাৰে তথা গৱেষণাৰ পৰা পোৱা তথ্য অনুযায়ী ইয়ে দেহক হাওঁফাওঁ তথা মুখ গহবৰৰ কেঞ্চাৰ ৰোধ কৰি ৰাখিবৰ ক্ষমতাও প্ৰদান কৰে।
ৰঙালাউত প্ৰচুৰ পৰিমাণে ভিটামিন এ থাকে । ইয়াৰ উপৰিও ছাল, হাড় আৰু দাঁত সুস্থ কৰি ৰখাত সহায় কৰে । কেৱল ইমানেই নহয়, ইয়াত প্ৰচুৰ পৰিমাণে আঁহ থাকে যিয়ে বহু ৰোগ প্ৰতিৰোধ কৰে । কিন্তু, প্ৰতিটো পৰিস্থিতিত ৰঙালাউ খোৱাটো উপকাৰী ন’হবও পাৰে । সকলো বস্তুৰে যেনেকৈ ভাল বেয়া গুণ দুয়োটাই থাকে ৷
কেতিয়া আৰু কোনে ৰঙালাউ খাব নালাগে জানো আহক(People Who Should Avoid Pumpkin)
পেট সুস্থ নহ’লে
ৰঙালাউ খালে গেষ্ট্ৰাইটিছ (GI) সংক্ৰমণৰ লগত জড়িত লক্ষণসমূহ বৃদ্ধি পাব পাৰে । ইয়াৰ বাবে আপোনাৰ খাদ্য এলাৰ্জী হ’ব পাৰে । ইয়াৰ উপৰিও ৰঙালাউ খোৱাৰ ফলত হজম প্ৰক্ৰিয়াত প্ৰভাৱ পৰিব পাৰে যিয়ে সমস্যা আৰু অধিক বৃদ্ধি কৰিব পাৰে ।
খাদ্য বিষক্ৰিয়া হ’ব পাৰে
ৰঙালাউ খালে বেক্টেৰিয়া, ভাইৰাছ আৰু অন্যান্য ৰোগ সৃষ্টিকাৰী জীৱাণু সংক্ৰমিত হ’ব পাৰে যিয়ে ৰোগ সৃষ্টি কৰিব পাৰে । ইয়াৰ ফলত খাদ্য বিষক্ৰিয়া হৈ গুৰুতৰভাৱে অসুস্থ হ’ব পাৰে । ইয়াক খোৱাৰ পিচত বমি আৰু আন বহু ধৰণৰ সমস্যাৰ সৃষ্টি হ’ব পাৰে আৰু ইয়াৰ ফলত ডায়েৰিয়াকে ধৰি শৰীৰত গুৰুতৰ প্ৰভাৱ পৰিব পাৰে ।
গৰ্ভৱতী বা দুগ্ধপান কৰা মাতৃ
যিসকল গৰ্ভৱতী বা স্তনপান কৰাই আছে তেওঁলোকে ইয়াক খোৱাৰ পৰা বিৰত থাকিব লাগে । লগতে মনত ৰাখিব যে যিকোনো খাদ্য সামগ্ৰী খোৱাৰ আগতে সদায় চিকিৎসকৰ পৰামৰ্শ ল’ব লাগে ৷
বি পি কম কৰা
ৰঙালাউত বিটা কেৰটিন আৰু মেগনেছিয়াম থাকে যিয়ে ৰক্তচাপৰ মাত্ৰা হ্ৰাস কৰাত সহায় কৰিব পাৰে । কিন্তু, যদি আপুনি উচ্চ ৰক্তচাপৰ ঔষধ ব্যৱহাৰ কৰি আছে তেন্তে আপোনাৰ খাদ্যত ৰঙালাউ অন্তৰ্ভুক্ত কৰাৰ আগতে চিকিৎসকৰ সৈতে কথা পাতি ল’ব । গতিকে, এই সকলোবোৰ পৰিস্থিতিত ৰঙালাউ খোৱাৰ পৰা বিৰত থাকক।