Assam | Nalbari news: শিয়ালমাৰী চৰ আৰক্ষীৰ জালত চাইবাৰ অপৰাধী
নলবাৰী: নলবাৰী জিলাৰ শিয়ালমাৰী চৰ আৰক্ষীৰ বৃহৎ সফলতা। শিয়ালমাৰী আৰক্ষীৰ জালত পৰিছে এটা চাইবাৰ অপৰাধী। শিয়ালমাৰী আৰক্ষী থানাৰ ভাৰপ্ৰাপ্ত আৰক্ষী বিষয়া ৰহণ ৰয়ৰ নেতৃত্বত চলোৱা অভিযানত চাইবাৰ অপৰাধৰ লগত জৰিত থকাৰ অভিযোগত গ্ৰেপ্তাৰ কৰে বাবুল আলী নামৰ এটা চাইবাৰ অপৰাধীক।
উল্লেখ্য যে বাবুল আলী কামৰূপ জিলাৰ হাজো আৰক্ষী থানাৰ অন্তৰ্গত গাঁও বুঢ়াপামৰ কুদ্দুছ আলীৰ পুত্ৰ। ইতিমধ্যে বাবুল আলী(২১)ক ১৯/২৫ নম্বৰত গোচৰ ৰুজু কৰি ন্যায়িক জিন্মালৈ প্ৰেৰণ কৰিছে আৰক্ষীয়ে। কিছুদিন পূৰ্বে দৌলাশাল আৰক্ষীয়ে অভিযান চলাই বৰক্ষেত্ৰী অঞ্চলৰ পৰা ৯ জনকৈ চাইবাৰ অপৰাধীক আটক কৰি নলবাৰী ন্যায়িক দণ্ডাধীশৰ আদালতত হাজিৰ কৰোৱায়। বৰক্ষেত্ৰী অঞ্চলৰ বিভিন্ন প্ৰান্তৰ পৰা এনেদৰে চাইবাৰ অপৰাধী আটক হোৱা ঘটনাই চকু কপালত তুলিছে অঞ্চলটোৰ সচেতন মহলৰ। এতিয়া প্ৰশ্ন উত্থাপন হৈছে চাইবাৰ অপৰাধৰ ৰম্যভূমিত পৰিণত হৈছে নেকি বৃহত্তৰ বৰক্ষেত্ৰী অঞ্চল।
লগতে: Assam :Dumduma news: শ্ৰম মন্ত্ৰীৰ সমষ্টিত চাহ খেতিয়েকৰ পানীত হাঁহ নচৰা অৱস্থা