Assam | Nalbari news: “ভক্তি তত্ত্ব” শীৰ্ষক গ্ৰন্থ উন্মোচন সত্ৰাধিকাৰ ড৹ পিতাম্বৰ দেৱ গোস্বামীৰ
টীয়ক : এতিয়া পবিত্ৰ ভাদ মাহ।হৰি নামৰ ধ্বনিৰে মুখৰিত ৰাজ্যৰ সত্ৰ নামঘৰ।এয়া টীয়কৰ কলিয়াপানীস্থিত শ্ৰী শ্ৰী আউনীআটী সত্ৰৰ পৰিবেশ।পুৱাৰে পৰা হৰি নামে মুখৰিত হৈছে সত্ৰৰ চৌপাশ।
উল্লেখযোগ্য যে হৰিনামৰ সমান্তৰালকৈ সত্ৰত বিভিন্ন সময়ত অসমৰ বিভিন্নজন লেখক-সাহিত্যিকে এই পবিত্ৰ মাহত এই পবিত্ৰ সত্ৰত পূৰ্যপাট সত্ৰাধিকাৰ ড৹ পিতাম্বৰ দেৱ গোস্বামীৰ উপস্থিতিত নিজ নিজ সৃষ্টিৰ শুভাৰম্ভ কৰে।এইবাৰো এনে কাৰ্যসূচীৰ অংশস্বৰূপে যোৰহাট ৰৰৈয়া জালকুৰীয়া সত্ৰৰ সত্ৰীয়া প্ৰবীন গোস্বামীৰ সৃষ্টি ভক্তি তত্ত্ব শীৰ্ষক গ্ৰন্থখনি সত্ৰাধিকাৰগৰাকীয়ে শুভ উন্মোচন কৰি এই গ্ৰন্থত লেখকে থাওকতে জীৱন তত্ত্ব,ভাগৱত তত্ত্ব তথা নাম তত্ত্ব জানিবলৈ উক্ত পুথিখনৰ পৰা সম্ভেদ পাব পাৰিব বুলি অৱগত কৰে ।
লগতে লেখকৰ এই কৰ্মৰ শলাগ লয়। ইপিনে সচৰাচৰ আমাৰ ভকত বৈষ্ণৱৰ মাজত আধ্যাত্মিক চৰ্চাৰ সময়ত এনে কিছুমান শব্দ আহি পৰে যি হয়তু অনুধাৱন কৰিবলৈ অসুবিধা হয় সেয়ে লেখক প্ৰবীন গোস্বামীয়ে কীৰ্ত্তন,ভাগৱত,ৰত্নাৱলী,অভিধান, পুৰাণ আদিৰ পৰা এনেবোৰ শব্দৰ তত্ত্ব সাৰমৰ্ম সহজতে বুজিব পৰাকৈ এই গ্ৰন্থত সন্নিৱিষ্ট কৰিছে যি ৰাইজৰ বাবে অধিক সহায়ক হ’ব বুলি আশা প্ৰকাশ কৰিছে।
লগতে পঢ়ক : Assam | Nalbari news: বৰক্ষেত্ৰী মহাবিদ্যালয়ত স্বাস্থ্য সজাগতা শিবিৰ