Local, Vocal, Global

মিজোৰাম উপ-নিৰ্বাচন: টুইৰিয়াল সমষ্টিত ভোটদান চলি আছে

0 8

কঠোৰ নিৰাপত্তাৰ মাজত শনিবাৰে মিজোৰামৰ টুইৰিয়াল বিধানসভা সমষ্টিৰ উপ-নিৰ্বাচনৰ বাবে ভোটগ্ৰহণ চলি আছে । ভোটগ্ৰহণ পুৱা ৭ বজাত আৰম্ভ হৈছিল আৰু ২৭ টা ভোটকেন্দ্ৰত সন্ধিয়া ৬ বজালৈকে চলিব।

গণনা ২ নৱেম্বৰত কোলাচিব চৰকাৰী মহাবিদ্যালয়ত অনুষ্ঠিত হ’ব।

মিজোৰামত জোৰাম পিপলছ মুভমেণ্ট (জেডপিএম)ৰ বৰ্তমানৰ বিধায়ক এণ্ড্ৰিউ এইচ থাংলিয়ানাৰ   মৃত্যুৰ পিছত কোলাচিব জিলাৰ আসনখনৰ উপ-নিৰ্বাচন অনুষ্ঠিত হৈছে।

ক্ষমতাসীন এমএনএফে কে লালডনগ্লিয়ানাক প্ৰাৰ্থিত্ব প্ৰদান কৰিছে, আনহাতে জেডপিএম প্ৰাৰ্থী হৈছে লাল্টলাংমাৱী।  পিটিআইৰ এক প্ৰতিবেদন অনুসৰি, কংগ্ৰেছে উপ-নিৰ্বাচনৰ বাবে চালৰোচাংগা ৰাল্টে আৰু বিজেপি কে লালদিনথাৰাক প্ৰাৰ্থিত্ব প্ৰদান কৰিছে।

অৱশ্যে, প্ৰতিযোগিতাখন এমএনএফ, কংগ্ৰেছ আৰু জেডপিএমৰ মাজত হ’ব।

মুখ্য নিৰ্বাচনী বিষয়া পি জৱাহৰে পিটিআইক কৈছিল যে ৰাজ্যিক বাহিনীৰ উপৰিও কেন্দ্ৰীয় অৰ্ধসামৰিক বাহিনীৰ কমেও এটা কোম্পানী মোতায়েন কৰা হৈছে।

উপনিৰ্বাচনত মুঠ ১৭,৯১১ জন ভোটাৰে ভোটাধিকাৰ সাব্যস্ত কৰিবলৈ যোগ্য।

Leave A Reply

Your email address will not be published.