নিউজ ডেস্ক, ২০ জুন : সোমবাৰে মুম্বাইৰ পৰা ৩৫০ কিলোমিটাৰ দূৰত অৱস্থিত Maharashtraৰ Sangli জিলাৰ মহাইচালৰত এটা পৰিয়ালৰ মুঠ নজন সদস্যক মৃত অৱস্থাত পোৱা ঘটনাই সমগ্ৰ দোশ জোকাৰি গৈছে।
চাংলিৰ আৰক্ষী অধীক্ষক দীক্ষিত গেদামে কয় যে “আমি এটা ঘৰত নটা মৃতদেহ পাইছো। এটা ঠাইত তিনিটা মৃতদেহ পোৱা গৈছিল, আনহাতে ঘৰৰ আন বিভিন্ন স্থানত ছয়টা মৃতদেহ পোৱা গৈছিল,” ।
Related Posts
তেওঁ লগতে কয় যে “আৰক্ষীৰ গোটেই দলটো ইয়াত আছে। তদন্ত কৰা হৈছে আৰু মৃত্যুৰ কাৰণ জানিব লাগিব। কাৰণটো জনাৰ লগে লগে, সেই অনুসৰি পৰৱৰ্তী পদক্ষেপ লোৱা হ’ব,” ।
আন এজন আৰক্ষী বিষয়াই কৈছিল যে তেওঁলোকে এইটো আত্মহত্যাৰ ঘটনা বুলি সন্দেহ কৰিছে। অৱশ্যে, মৰণোত্তৰ পৰীক্ষাৰ পিছত হে মৃত্যুৰ প্ৰকৃত কাৰণ জানিব পৰা যাব।
বিষয়াজনে এইটোও কৈছিল যে তেওঁলোকে সন্দেহ কৰে যে তেওঁলোকে এটা বিষাক্ত পদাৰ্থ সেৱন কৰিছিল।