মঙলদৈ : মঙলদৈত কংগ্ৰেছৰ কৰ্মী সভা। মঙলদৈত কংগ্ৰেছৰ কৰ্মী সভা মঙলদৈত কংগ্ৰেছৰ কৰ্মী সভাত উপস্থিত থাকে কংগ্ৰেছৰ জেষ্ঠ নেতা ৰিপুন বৰা । নিৰ্বাচন আয়োগেৰে মিলি বিজেপি আৰু আৰ এছ এছে ভোট চুৰি কৰি নিৰ্বাচন জয়ী অভিযোগৰ পাছতেই জিলাই জিলাই কংগ্ৰেছৰ কৰ্মী সভা । অসমত ২৬ ৰ বিধানসভা নিৰ্বাচনত যাতে ভোট চুৰি হব নোৱাৰে তাৰ প্ৰশিক্ষণ দিয়া হৈছে কংগ্ৰেছৰ কৰ্মী সভাত। কংগ্ৰেছৰ বি,এল, এ সকলক দিয়া হৈছে এই প্ৰশিক্ষণ।
মঙলদৈত কংগ্ৰেছৰ কৰ্মী সভাত উপস্থিত হৈ কংগ্ৰেছৰ জেষ্ঠ নেতা ৰিপুন বৰাই মন্তব্য কৰি কয় যে জাতি মাটি ভেটি কবৰ দিয়া চৰকাৰ খনে মাটিৰ কথা কোৱাৰ অধিকাৰ নাই। এইয়া হিমন্ত বিশ্ব শৰ্মাই সাপ হৈ খোটা আৰু বেজ হৈ জৰাৰ দৰে কথা। আদানী, আম্বানী, পতঞ্জলীক মাটি দি খিলঞ্জীয়াৰ মাটি শেষ কৰাৰ পিছত এতিয়া খিলঞ্জীয়াৰ মাটিৰ অধিকাৰৰ বাবে কেবিনেতে লোৱা সিদ্ধান্ত অনুসৰি বহিঃৰাজ্যৰ NGO ই ভূমি ক্ৰয় কৰিলে SOP অনুসৰি ক্ৰয় কৰিব লাগিব বুলি লোৱা প্ৰস্তাৱক তীব্ৰ সমালোচনা কৰে ৰিপুন বৰাই।
চায়েদা হামিদাই দিয়া মন্তব্য সংবিধান বিৰোধী, অসমীয়া জাতিৰ বিৰোধী মন্তব্য। গতিকে হামিদাই কৰা মন্তব্য কংগ্ৰেছে বিৰোধিতা কৰে। কিন্তু হামিদাৰ ক্ষেত্ৰত মুখ্যমন্ত্ৰী হিমন্ত বিশ্ব শৰ্মাই মন্তব্য কৰাৰ কোনো যুক্তি নাই। যিগৰাকী মুখ্যমন্ত্ৰীয়ে অসমত ‘কা’ আনি অসম চুক্তি শেষ কৰিলে তেওঁ এইক্ষেত্ৰত ঘৰীয়ালৰ চকুপানী টুকি লাভ নাই বুলিও কয় ৰিপুন বৰাই।
ইফালে সভাত উপস্থিত থাকি BTR ৰ নিৰ্বাচন সন্দৰ্ভটো মন্তব্য কৰে ৰিপুন বৰাই। কংগ্ৰেছ দলে সম্পূৰ্ণ শক্তিৰে অৱতীৰ্ণ হব BTR নিৰ্বাচনত। কাইলৈ ঘোষণা হব কংগ্ৰেছৰ প্ৰাৰ্থীৰ তালিকা।
BTR পৰিষদত নিৰ্বাচনত বিজেপি, ইউ, পি পি ইল আৰু বিপিএফ ৰ বিৰুদ্ধে তীব্ৰ প্ৰতিদ্বন্দিতা হব বুলি মন্ত্যব দিয়ে ৰিপুন বৰাই।
লগতে পঢ়ক : Watch | Nagarbera news: পুনৰ মুখ্যমন্ত্ৰী ড০ হিমন্ত বিশ্ব শৰ্মাৰ বিৰুদ্ধে সৰৱ বিধায়ক শ্বেৰমান আলী