Majuli ferry service: অনিৰ্দিষ্টকাললৈ বন্ধ কমলাবাৰী-নিমাতী ফেৰী সেৱা
গুৱাহাটী, ৯জুলাই : পুনৰ বন্ধৰ ঘোষণা মাজুলী-নিমাতী ফেৰী সেৱা((Majuli Nimatighat ferry service) ) । দেওবাৰে ঘোষণা কৰিলে এই কথা । অনিৰ্দিষ্ট সময়ৰলৈকে বন্ধৰ ঘোষণা মাজুলী-নিমাতী ফেৰী সেৱা । ব্ৰহ্মপুত্ৰৰ জলস্তৰ বৃদ্ধি হোৱাৰ বাবে আভ্যন্তৰীণ জল পৰিবহন বিভাগৰ এই সিদ্ধান্ত (Majuli ferry service) ।
উল্লেখ্য যে, যোৱা কিছুদিন ধৰি অসমত হৈ থকা নেৰা নেপেৰা বৰষুণৰ ফলত ৰাজ্যত বান বিভিষিকাময় পৰিস্থিতিৰ সৃষ্টি হৈছে আনহাতে জলপৃষ্ঠ তীব্ৰ গতিত বাঢ়িব ধৰিছে । এই বৰষুণৰ ফলত ব্ৰহ্মপুত্ৰৰ জলপৃষ্ঠ তীব্র গতিত বাঢ়ি বিপদসীমাৰ ওপৰলৈ যোৱা দেখা গৈছে। ইফালে ব্ৰহ্মপুত্ৰ নদীৰ জলস্তৰ বৃদ্ধিৰ ফলত ডুব গৈছে ফেৰী ৰখা ৰেম্পসমূহ ।
ইয়াৰ লগতে ব্ৰহ্মপুত্ৰৰ বাঢ়নি পানীত কাঠ, বিভিন্ন জাৱৰ-জোঁথৰ উটি আহিছে ফলত যাত্ৰীৰ জীৱনৰ কথা চিন্তা কৰি আভ্যন্তৰীণ জল পৰিবহন বিভাগে আজিৰ পৰা অনিৰ্দিষ্ট কাললৈ বন্ধৰ ঘোষণা কৰিছে মাজুলী নিমাতী ফেৰী সেৱা (Majuli Nimatighat ferry service suspended for indefinite time) ।
বাৰিষাৰ বান গৈ ব্রহ্মপুত্রত পৰি জলস্তৰ বৃদ্ধি পোৱাৰ বাবে গুটীয়া ফেৰী চলাচলত বাধা আহি পৰিছে। যাৰ ফলত অনিৰ্দিষ্ট কাললৈ অফলামুখ নিমাতিৰ মাজত গুটীয়া ফেৰী সেৱা বন্ধৰ ঘোষণা আভ্যন্তৰীণ জল পৰিবহন বিভাগৰ।
প্ৰাপ্ত তথ্য় অনুসৰি, জলস্তৰ সুস্থিৰ হ’লেই পুনৰ আৰম্ভ কৰা হ’ব ফেৰী সেৱা। এই সময়ছোৱাত যাতে কোনো কাৰণতে গুটীয়া ফেৰী সেৱা ব্রহ্মপুত্রত চলাচল নকৰে তাৰ ওপৰত নজৰ ৰাখিব বিভাগটোয়ে। ইফালে হঠাতে ফেৰী সেৱা বন্ধ হৈ পৰাত যাত্ৰী সকলৰ মাজত হাহাকাৰ পৰিস্থিতিৰ সৃষ্টি হৈছে ।
লগতে পঢ়ক : Majuli Nimatighat ferry service : অনিৰ্দিষ্ট কাললৈ বন্ধ মাজুলী নিমাতী ফেৰী সেৱা