আপুনি যাত্ৰা কৰি ভাল পায় নেকি? দূৰণিবটীয়া ৰে’ল যাত্ৰা কৰি অস্বস্তিত ভোগে চাগে? কেতিয়াবা আপুনি খুব বিৰক্তও হয় চাগে? কিন্তু এতিয়া আৰু চিন্তা নাই৷ ৰে’ল যাত্ৰীৰ বাবে আহিছে এক সুখবৰ৷ ভাৰত চৰকাৰৰ এটি সিদ্ধান্তই সুখবৰ কঢ়িয়াই আনিছে ভাৰতীয় ৰে’ল যাত্ৰীৰ বাবে৷
ভাৰতীয় ৰে’লত সংযুক্ত হ’বলৈ গৈ আছে ছুপাৰ হাইস্পীড মেগলিভ ৰে’ল৷ ঘণ্টাত ৫০০ কিলোমিটাৰ গতিবেগত চলিব এই ৰে’ল৷ মোদী চৰকাৰে ৰে’ল যাত্ৰীৰ বাবে লৈছে এই সিদ্ধান্ত৷ ভাৰতীয় কোম্পানী বি এইচ ই এল এ চুক্তিৱদ্ধ হৈছে ছুইছ ৰেপিডি এজিৰ সৈতে৷ দুয়োটা কোম্পানীয়ে যুটীয়া প্ৰচেষ্টাত চলোৱা হ’ব এই বিশেষ ৰে’লখন৷
আশা কৰা হৈছে মেগলিভ ৰে’লৰ সংযোজনে ভাৰতীয় ৰে’ল ব্যৱস্থালৈ আমূল পৰিৱৰ্তন আনিব৷ মেগলিভ ৰে’লৰ সহায়ত ঘণ্টাৰ যাত্ৰা মিনিটতে সম্ভৱ হ’ব৷
কিন্তু কেনেদৰে কৰা হ’ব মেগলিভ ৰে’লৰ চলাচল?
মেগনেটিক লিমিটেচন কৌশলৰ এক বিশেষ প্ৰচেষ্টাৰে মেগলিভ ৰে’লৰ চলাচলৰ ব্যৱস্থা কৰা হ’ব৷ উল্লেখ্য যে পোনপ্ৰথমবাৰৰ বাবে চীনৰ চাংহাইত আৰম্ভ হৈছিল এই ৰে’ল সেৱা৷ পৰৱর্তী সময়ত জাৰ্মানী, চীন, জাপান, দক্ষিণ কোৰিয়াত উপলব্ধ হৈছিল এই ৰে’ল সেৱা৷ মেগলিভ ৰে’লৰ চলাচল কৰা ভাৰত হ’ব বিশ্বৰ ষষ্ঠখন দেশ৷