২০১৩ চনত পাটনা গান্ধী ময়দান ধাৰাবাহিক বিস্ফোৰণ গোচৰত এন আই এ আদালতে ৪ জনক মৃত্যুদণ্ড প্ৰদান কৰে

এনআইএ আদালতে সোমবাৰে ২০১৩ চনৰ পাটনা গান্ধী ময়দান ধাৰাবাহিক বিস্ফোৰণৰ গোচৰত ন জন দোষীৰ শাস্তিৰ পৰিমাণ ঘোষণা কৰিছিল।

বাতৰি অনুসৰি ন জন দোষীৰ ভিতৰত চাৰিজনক মৃত্যুদণ্ড, দুজনক আজীৱন কাৰাদণ্ড, দুজনক ১০ বছৰকাৰা বাস আৰু এজনক ৭ বছৰৰ কাৰাদণ্ড দিয়া হয়।

ইয়াৰ পূৰ্বে, এনআইএ আদালতে ২০১৩ চনৰ ২৭ অক্টোবৰত পাটনাৰ গান্ধী ময়দানত সংঘটিত ধাৰাবাহিক বিস্ফোৰণৰ ন জন অভিযুক্তক দোষী সাব্যস্ত কৰিছিল। এজন অভিযুক্তক প্ৰমাণৰ অভাৱত নিৰ্দোষ সাব্যস্ত কৰা হৈছিল আৰু আন এজন নাবালক আছিল যাক কিশোৰ ন্যায় পৰিষদলৈ প্ৰেৰণ কৰা হৈছিল।

২০১৩ পাটনা ধাৰাবাহিক বিস্ফোৰণ গোচৰ :

২০১৩ চনত, নৰেন্দ্ৰ মোডীৰ “হুংকাৰ” ৰেলীৰ সময়ত পাটনাত কমেও ছয়টা বোমা বিস্ফোৰণ হৈছিল। মোডী তেতিয়া ভাৰতীয় জনতা পাৰ্টিৰ প্ৰধানমন্ত্ৰী পদৰ প্ৰাৰ্থী আৰু গুজৰাটৰ মুখ্যমন্ত্ৰী আছিল।

বিস্ফোৰণবোৰত ছয়জন নিহত আৰু বহুতো আহত হৈছিল। প্ৰথম বিস্ফোৰণটো পাটনা ৰেল ষ্টেচনত সংঘটিত হৈছিল, আৰু মোডী আৰু অন্যান্য নেতাসকলে অনুষ্ঠানস্থলীত উপস্থিত হোৱাৰ আগতে গান্ধী ময়দান আৰু ইয়াৰ আশে-পাশে থকা আনবোৰ বিস্ফোৰণ সংঘটিত হৈছিল।

গোচৰটো ২০১৩ চনত এনআইএৰ দ্বাৰা লোৱা হৈছিল যিয়ে ২০১৪ চনত অভিযুক্ত মাষ্টাৰমাইণ্ড হায়দৰ আলীক গ্ৰেপ্তাৰ কৰিছিল। অভিযোগ পত্ৰখন ২০১৪ চনত এনআইএৰ দ্বাৰা দাখিল কৰা হৈছিল। আৰু গোচৰটোৰ চূড়ান্ত শুনানি ২০১৮ চনত আৰম্ভ হৈছিল।