কাজিৰঙাৰ দগাঁৱত উদ্ধাৰ গঁড়ৰ পোৱালী ৷ শনিবাৰে কাজিৰঙা ৰাষ্ট্ৰীয় উদ্যানৰ দাঁতি কাষৰীয়া দগাঁৱৰ স্থানীয় ৰাইজে অকলশৰীয়া অৱস্থাত প্ৰত্যক্ষ কৰে গঁড় পোৱালীটো। স্থানীয় ৰাইজে লগে লগে বন বিভাগক খবৰ কৰে। কাজিৰঙাৰ বন্যপ্ৰাণী উদ্ধাৰ আৰু পুনৰ সংস্থাপন কেন্দ্ৰৰ উদ্ধাৰকাৰী দলে উদ্ধাৰ কৰে গঁড় পোৱালীটো। সম্প্ৰতি উদ্ধাৰ কৰা পোৱালীটো পানবাৰী বন্যপ্ৰাণী উদ্ধাৰ আৰু পুনৰ সংস্থাপন কেন্দ্ৰত প্ৰাৰম্ভিক চিকিৎসা প্ৰদান কৰা হৈছে। প্ৰায় এবছৰীয়া পোৱালীটো মাকৰ পৰা বিচ্ছিন্ন হোৱাৰ উপৰিও পোৱালীটো অসুস্থ অৱস্থাত আছে বুলি জানিব দিয়ে চিকিৎস্যকৰ দলে। গঁড় পোৱালীটোক সুস্থ কৰিবলৈ চিকিৎস্যকে চেষ্টা অব্যাহত ৰাখি আছে বুলিও অৱগত কৰে।
