অপেক্ষাৰ অৱসান ৷ ঘোষণা হ’ল আই পি এলৰ সময়সূচী৷
১৯ ছেপ্টেম্ৱৰৰ পৰা অনুষ্ঠিত হ’ব আই পি এল৷ বিগত টী-২০ বিশ্বকাপ বাতিল হোৱাৰে পৰা চৰ্চাৰ শীৰ্ষত আছিল আই পি এল সন্দৰ্ভত৷ বিভিন্ন সংবাদ মাধ্যম, ক্ৰীড়া বিশ্লেষকেও আই পি এল অনুষ্ঠিত সন্দৰ্ভত বিভিন্ন মত প্ৰকাশ কৰি আহিছিল৷ সকলোবোৰ জল্পনা-কল্পনাৰ অন্ত পৰিল৷ বিচিচিআইয়ে ঘোষণা কৰিলে আই পি এলৰ সময়সূচী৷ এই বৰ্ষৰে ১৯ ছেপ্টেম্বৰৰ পৰা UAEত অনুষ্ঠিত হ’ব আই পি এল৷ আই পি এলৰ প্ৰথম মেচত সন্মুখসমৰত নামিব ডিফেণ্ডিং চেম্পিয়ন মুম্বাই ইণ্ডিয়ানছ আৰু তিনিবাৰকৈ চেম্পিয়ন চেন্নাই ছুপাৰ কিং৷
সৰ্বমুঠ ৫৬খনকৈ লীগ মেচ অনুষ্ঠিত হোৱাৰ উপৰিও দুখনকৈ কোৱালিফায়াৰ আৰু এখন এলিমেনিটাৰ মেচ অনুষ্ঠিত হ’ব ৷ ৮ নৱেম্বৰত অনুষ্ঠিত হ’ব বিশ্বৰ সৰ্ববৃহৎ টী-২০ লীগখনত চূড়ান্ত মেচ৷ প্ৰথমবাৰৰ বাবে UAEত অনুষ্ঠিত হ’ব আই পি এলৰ আটাইকেইখন মেছ৷ ইয়াৰ পূৰ্বে ২০০৯ চনত দেশৰ সাধাৰণ নিৰ্বাচনৰ বাবে দক্ষিণ আফ্ৰিকাত সকলোবোৰ মেচ আৰু ২০১৪ চনত দেশত পুনৰবাৰ সাধাৰণ নিৰ্বাচনৰ বাবে আৰৱ ভূমিত অনুষ্ঠিত হৈছিল ২০খনকৈ আই পি এলৰ মেচ৷ আই পি এলৰ পুনৰবাৰ সময়সূচী নিৰ্ধাৰণৰ লগে লগে ক্ৰীড়াপ্ৰেমীসকল উৎসাহিত হৈ পৰিছে ৷