নিউজ ডেস্ক, ৫ ছেপ্তেম্বৰ : কোন হ’ব বিশ্বৰ শক্তিধৰ দেশ ব্ৰিটেইনৰ পৰৱৰ্তী প্ৰধানমন্ত্ৰী ? চৰ্চা মতে ভাৰতীয় বংশোদ্ভৱ ঋষি চুনাক হ’ব পাৰে ব্ৰিটিছ প্ৰধানমন্ত্ৰী। ব্ৰিটেইনৰ কনজাৰ্ভেটিভ পাৰ্টিৰ নেতা নিৰ্বাচিত কৰাৰ প্ৰক্ৰিয়া সোমবাৰে সম্পূৰ্ণ হৈছে। যাৰ পিছত সিদ্ধান্ত লোৱা হ’ব যে লিজ ট্ৰাছ নে ঋষি চুনাক ব্ৰিটেইনৰ পৰৱৰ্তী প্ৰধানমন্ত্ৰী হ’ব। আজি ঘোষিত হ’ব ব্ৰিটেইনৰ প্ৰধানমন্ত্ৰী। যদি আজি ঋষি চুনাক প্ৰধানমন্ত্ৰী নিৰ্বাচিত হয় তেন্তে নতুন ইতিহাস লিখা যাব। কিয়নো আমেৰিকাৰ দৰে শক্তিশালী দেশৰ উপ-ৰাষ্ট্ৰপতি নিৰ্বাচিত হৈছে ভাৰতীয় বংশোদ্ভৱ কমলা হেৰিছ। ইপিনে ঋষি চুনাক ব্ৰিটেইনৰ পৰৱৰ্তী প্ৰধানমন্ত্ৰী হ’লে আন এক ইতিহাস লিখা যাব। বিশ্বৰ ৰাজনীতিত ভাৰতীয়ৰ দপদপনি বৃদ্ধি হ’ব।
চাউদাম্পটনত চুনাকৰ জন্ম হৈছিল ১৯৮০ চনৰ ১২ মে’ত। ভাৰতীয় পিতৃ-মাতৃ যশবীৰ আৰু ঊষা চুনাকৰ ঘৰত জন্ম হৈছিল। তিনি ভাই-ভনীৰ ভিতৰত চুনাক জ্যেষ্ঠ। পিতৃ যশবীৰৰ জন্ম আৰু ডাঙৰ-দীঘল হৈছিল কেনিয়াত। আনহাতে মাতৃ ঊষাৰ জন্ম তাঞ্জানিয়াত হৈছিল। তেওঁৰ ককা-আইতাৰ জন্ম ব্ৰিটিছ ভাৰতৰ পাঞ্জাৱ প্ৰদেশত হৈছিল। ১৯৬০ৰ দশকত ককা-আইতাকে সন্তানৰ সৈতে পূব আফ্ৰিকাৰ পৰা যুক্তৰাজ্যলৈ গুচি গৈছিল। পিতৃ যশবীৰ এজন সাধাৰণ চিকিৎসক আছিল আৰু মাতৃ ঊষা এগৰাকী ফাৰ্মাচিষ্ট আছিল। চুনাকে হেম্পশায়াৰৰ ৰোমচিৰ ষ্ট্ৰাউড স্কুল আৰু উইনচেষ্টাৰ কলেজত পঢ়িছিল।
এক প্ৰতিবেদন অনুসৰি বৈদেশিক মন্ত্ৰী লিজ ট্ৰাছৰ ওপৰত সমৰ্থনৰ হাত পৰিছে বুলি কোৱা হৈছে। বৰ্তমানৰ প্ৰধানমন্ত্ৰী বৰিশ জনছনে জুলাই মাহত পদত্যাগৰ কথা ঘোষণা কৰাৰ পিছৰে পৰা দলৰ নেতা নিৰ্বাচিত কৰাৰ দৌৰত লিজ ট্ৰাছে দলৰ সদস্যসকলৰ মাজত নিজৰ নেতৃত্ব বজাই ৰাখিছে।
ইউকেত প্ৰধানমন্ত্ৰী পদৰ প্ৰাৰ্থীক নিৰ্বাচিত দলৰ সদস্যসকলৰ ভোটৰ দ্বাৰা নিৰ্ধাৰণ কৰা হয়। সদস্যৰ ভোট ইউকেৰ জনসংখ্যাৰ এক শতাংশতকৈও কম।
এইবেলিৰ শাসকীয় বিজয়ীক কনজাৰ্ভেটিভ পাৰ্টিৰ সদস্যসকলে বাছনি কৰিছে। তেওঁলোকে বাছনি কৰা প্ৰাৰ্থীজন স্বয়ংক্ৰিয়ভাৱে সংসদৰ নিম্ন সদন হাউচ অফ কমন্সৰ সংখ্যাগৰিষ্ঠ দলৰ নেতা হিচাপে প্ৰধানমন্ত্ৰী হ’ব।
সুনক আৰু ট্ৰাছে তেওঁলোকৰ দলৰ সদস্যসকলৰ সমৰ্থন সংগ্ৰহ কৰিবলৈ কেইবাটাও কাৰ্যসূচীত অংশগ্ৰহণ কৰিছিল। এই কাৰ্যসূচীবোৰত, এই দুয়োজন প্ৰাৰ্থীক তেওঁলোকৰ নীতিৰ বিষয়ে প্ৰশ্ন কৰা হৈছিল। অনুষ্ঠানবোৰত কনজাৰ্ভেটিভ পাৰ্টিৰ সদস্যসকলে অংশগ্ৰহণ কৰিছিল আৰু দলৰ ৱেবছাইটৰ জৰিয়তে সম্প্ৰচাৰ কৰিছিল। দলৰ সদস্যসকলৰ উপৰিও সাংবাদিকসকলকো ইয়াত অংশগ্ৰহণ কৰিবলৈ অনুমতি দিয়া হৈছিল।
দলৰ সদস্যসকলে ২ ছেপ্টেম্বৰলৈকে ভোট দান কৰিছে। কনজাৰ্ভেটিভ পাৰ্টিৰ সদস্যসকলে তেওঁলোকৰ ভোট দান কৰিবলৈ ৩ জুন বা তাৰ আগতে দলটোত যোগদান কৰা হ’ব লাগিব। ভোট দিবলৈ যোগ্য সকলো সদস্যই ডাক বা অনলাইনযোগে তেওঁলোকৰ ভোট দিছে। অৱশ্যে, দেশৰ চোৰাংচোৱা আৰু নিৰাপত্তাৰ বাবে দায়বদ্ধ সংস্থা চৰকাৰী যোগাযোগ মুখ্য কাৰ্যালয়ৰ অধীনত কাম কৰা ৰাষ্ট্ৰীয় চাইবাৰ সুৰক্ষা কেন্দ্ৰই সতৰ্ক কৰি দিছিল যে আন যিকোনো দেশে এই প্ৰক্ৰিয়াত হস্তক্ষেপ কৰিব পাৰে। সতৰ্কবাণীৰ পিছত, কনজাৰ্ভেটিভ পাৰ্টিয়ে ইয়াৰ সদস্যসকলক কেৱল এবাৰহে ভোট দিবলৈ অনুমতি দিয়াৰ সিদ্ধান্ত লয়।