India preps for G20 Summit in Delhi : আজিৰে পৰা দিল্লীত G-20 শীৰ্ষ সন্মিলন, সন্মিলনত অংশগ্ৰহণৰ বাবে উপস্থিত কেইবাখনো দেশৰ ৰাষ্ট্ৰপতি-প্ৰধানমন্ত্ৰী
![India preps for G20 Summit in Delhi](https://mynewsne.com/wp-content/uploads/2023/09/noname-46-750x430.jpg)
নেশ্যনেল ডেস্ক, ৯ছেপ্টেম্বৰ : আজিৰে পৰা G-20 শীৰ্ষ সন্মিলন। দুদিনীয়া কাৰ্যসূচীৰে দিল্লীত অনুষ্ঠিত হৈছে ১৮ সংখ্যক G20 সন্মিলন । প্ৰায় ৯ মাহজোৰা ব্যাপক আয়োজনেৰে বিশ্বনেতাক আদৰিবলৈ সাজু ভাৰত । ইতিমধ্যে G-20 সন্মিলনত অংশগ্ৰহণৰ বাবে কেইবাখনো দেশৰ ৰাষ্ট্ৰপতি–প্ৰধানমন্ত্ৰী ভাৰতত উপস্থিত হৈছে। উপস্থিত হৈছে আমেৰিকাৰ ৰাষ্ট্ৰপতি জ’ বাইডেন, ব্ৰিটেইনৰ প্ৰধানমন্ত্ৰী ঋষি ছুনাকো। G-20 শীৰ্ষ সন্মিলন শুভাৰম্ভ হয় ভাৰত মণ্ডপমত। দিল্লীত অনুষ্ঠিত হোৱা এই G-20 শীৰ্ষ সন্মিলনত প্ৰায় ২৯খন দেশৰ ৰাষ্ট্ৰপ্ৰধানে ল’ব অংশ। পুৱা ৯ বজাৰ পৰাই ভাৰত মণ্ডপমত অতিথি নেতাৰ আগমন ঘটিছে(India preps for G20 Summit in Delh)।
এক পৃথিৱী এক পৰিয়াল এজেণ্ডাক লৈ G-20 সন্মিলনত হ’ব আলোচনা। ৰাষ্ট্ৰপতি দ্ৰৌপদী মুৰ্মূৰ অভ্যৰ্থনাত নৈশ ভোজৰো আয়োজন কৰা হৈছে। শুল্ক অনুসৰি G20 শীৰ্ষ সন্মিলনৰ সামৰণিত G20 নেতাই ঘোষণা পত্ৰ গ্ৰহণ কৰা হ’ব । G20 ৰ ২০ খন দেশ হৈছে – আৰ্জেণ্টিনা, অষ্ট্ৰেলিয়া, ব্ৰাজিল, কানাডা, চীন, ফ্ৰান্স, জাৰ্মানী, ভাৰত, বাংলাদেশ, ইণ্ডোনেছিয়া, ইটালী, জাপান, কোৰিয়া গণৰাজ্য, মেক্সিকো, ৰাছিয়া, চৌদি আৰব, দক্ষিণ আফ্ৰিকা, তুৰ্কী, ইউনাইটেড ষ্টেট আৰু আমেৰিকা আৰু ইউৰোপীয় সংঘ(India Preps For Grand G20 Summit Today) ৷
উল্লেখ্য যে, G20 ৰ নেতা সন্মিলনৰ আলোচনাৰ অন্যতম মূল বিষয় হ’ব ‘‘ৱান আৰ্থ’’ । এই অধিৱেশনত বৰ্ধিত প্ৰশমনৰ জৰিয়তে জলবায়ুৰ ব্যৱস্থা ত্বৰান্বিত কৰা আৰু যিমান পাৰি সোনকালে বিশ্বব্যাপী নিকা শূন্য নিৰ্গমনৰ কাৰ্যসূচী শক্তিশালী কৰাৰ ওপৰত গুৰুত্ব আৰোপ কৰা হ’ব । উল্লেখযোগ্য যে, ভাৰতৰ সভাপতিত্বত অনুষ্ঠিত এইবাৰৰ G20 সন্মিলনৰ বিষয়বস্তু হৈছে “বসুধৈৱ কুটুম্বকম” বা “এক পৃথিৱী, এক পৰিয়াল, এক ভৱিষ্যত” । শীৰ্ষ সন্মিলনৰ অংশ হিচাপে ‘‘এক পৃথিৱী’’ অধিৱেশনৰ সামৰণিৰ অন্তত দুপৰীয়াৰ আহাৰ গ্ৰহণৰ পিচত ৩.০০ বজাত ‘‘এক পৰিয়াল’’ৰ আন এক অধিৱেশন অনুষ্ঠিত হ’ব ।
প্ৰাপ্ত তথ্য অনুসৰি, ১৮ গৰাকী বিষয়াক নতুন দিল্লীৰ ১৯খন পঞ্চতাৰকা হোটেল আৰু এয়াৰ’চিটী অঞ্চলত নিয়োগ কৰা হৈছে। খাদ্য সুৰক্ষা বিষয়া বাচনৰ পৰিষ্কাৰ–পৰিচ্ছন্নতাসহ ৰন্ধন আৰু কৰ্মচাৰীৰ পৰিষ্কাৰ–পৰিচ্ছনাৰ ওপৰতো নজৰ ৰাখিব। ইয়াৰ লগতে খাদ্য পৰিৱেশনৰ পূৰ্বে ইয়াৰ পৰীক্ষা কৰা হ’ব। ২৪ ঘণ্টাৰ ভিতৰত পৰীক্ষাগাৰৰ ৰিপ’ৰ্ট অহাৰ পিছত কেঁচা খাদ্য সামগ্ৰী ব্যৱহাৰ কৰা হ’ব খাদ্য বনোৱাত। উল্লেখযোগ্য যে কেইবাখনো দেশৰ ৰথী মহাৰথীসকল থকাৰ বাবে ২৩খন পঞ্চতাৰকা হোটেল বুকিং কৰা হৈছে(India preps for G20 summit of world leaders by bulldozing homes)।
লগতে পঢ়ক : G20 Summit : ভাৰত ভ্ৰমণ কৰিবলৈ সাজু আমেৰিকাৰ ৰাষ্ট্ৰপতি জ’ বাইডেন