ৰঙিয়া ৰেল ষ্টেচনত মানৱ সৰবৰাহকাৰীৰ কবলৰ পৰা শিশু, কিশোৰী সহ: মহিলাক উদ্ধাৰ : সৰবৰাহকাৰী গৌতম
চৰকাৰক আটক ।
ৰঙিয়া ৰেল ষ্টেচনত বুধবাৰে মানৱ সৰবৰাহকাৰীৰ কবলৰ পৰা এচ এচ বিৰ এটা অভিযানকাৰী দলে এটি শিশু, কিশোৰী সহ এগৰাকী মহিলাক উদ্ধাৰ কৰে । সশস্ত্ৰ সীমা বল চমুকৈ এচ এচ বিৰ
২৪ নং বেটেলিয়ানৰ এটা অভিযান কাৰী দলে এক গোপন সূত্ৰৰ পম খেদি কৰ্ম সংস্থাপনৰ প্ৰলোভন দি ৰেলেৰে বহি:ৰাজ্যলৈ নিবলৈ ওলোৱাৰ সময়তে অভিযানকাৰী দলটোৱে তিনিও গৰাকীকে সৰবৰাহকাৰী কবলৰ পৰা উদ্ধাৰ কৰিবলৈ সক্ষম হয়। এচ এচ বিৰ দলটোৱে পশ্চিমবঙ্গৰ মালধাৰ সৰবৰাহকাৰী গৌতম সৰকাৰক আটক কৰে ।
উদ্ধাৰ হোৱা আটাই কেইজনৰ ঘৰ বাক্সা জিলাৰ গুৱাবাৰীত বুলি জানিব পৰা গৈছে । পিছত অভিযুক্ত জনৰ লগতে উদ্ধাৰ হোৱা আটাই কেইজনকে এচ এচ বিৰ অভিযানকাৰী দলটোৱে ৰঙিয়া ৰেল আৰক্ষীক গতাই দিয়ে ।ৰেল আৰক্ষীয়ে আটাই কেইজনকে সোধাপোচা কৰাৰ অন্তত বাক্সা জিলাৰ নাগ্ৰীজুলী উপ আৰক্ষী চকীৰ আৰক্ষীৰ জৰিয়তে পৰিয়ালক লোকক জমজাই দিয়ে ।