Medicine price hike : পুনৰ বাঢ়িল জীৱনদায়িনী ঔষধৰ দাম, এইবাৰ ২০ শতাংশ বৃদ্ধি ঔষধৰ মূল্য
নিউজ ডেস্ক,৩১জুলাই : ৰাইজক মাধমাৰ দিবলৈ সাজু শাসনাধিষ্ঠ চৰকাৰ,পুনৰ বাঢ়িল জীৱনদায়িনী ঔষধৰ দাম (Medicine price hike) । জনতাৰ ওপৰত চৰকাৰৰ আন এক মাধমাৰ। ইতিমধ্যেই মুদ্ৰাস্ফিতীয়ে কোঙা কৰি তোলা জনতাৰ সমস্যা ই দুগুণ কৰি তুলিব ।
জনতাৰ মূৰত মাধমাৰ শোধাই এইবাৰ বৃদ্ধি হ’ল ঔষধৰ মূল্য। নিত্য ব্যৱহাৰ্য সামগ্ৰীৰ আকাশলংঘী মূল্যবৃদ্ধিয়ে ইতিমধ্যে কোঙা কৰিছে সাধাৰণ জনতাক।তাৰ মাজতে বৃদ্ধি পালে ঔষধৰ খুচুৰা মূল্য। অর্থাৎ প্রয়োজনীয় ঔষধ ক্রয় কৰিবলৈ যাওঁতেও আপুনি এবাৰ ভাবিব লাগিব কাৰণ এতিয়াৰ পৰা আপুনি ভৰিব লাগিব অধিক ধন। দেশত প্ৰায়েই অত্যাৱশ্যকীয় সামগ্ৰীৰ মূল্য বৃদ্ধিয়ে সমস্যাৰ সৃষ্টি কৰাৰ মাজতে শেহতীয়াকৈ ঔষধৰ মূল্য বৃদ্ধিয়ে সকলোকে চিন্তাত পেলাইছে (Hike in Medicine prices becomes a concern for all)।
আপুনি দৈনন্দিন জীৱনত ব্যৱহাৰ কৰা প্ৰায়বিধ ঔষধৰে দাম বৃদ্ধি পাইছে। গেষ্ট্ৰিক, মধুমেহ, ৰক্তচাপ আদি ঔষধৰ লগতে জ্বৰ, কাহ, চৰ্দি আদিৰ ঔষধৰ দাম শেহতীয়াভাৱে অত্যধিক হাৰত বৃদ্ধি পাইছে।
দিল্লী, মুম্বাই, গুজৰাট, পাটনা, ইন্দোৰ,আগ্রা, কানপুৰ,ছিকিম আদিৰ পৰা অহা ‘নেছলে’,‘এফ ডি চি’, ‘জনছন জনছন’,‘গ্রেক্স”,‘এবট’, “মাইক্ৰ’নৈব্ছ’,‘মেক্লয়ছ’‘চিপলা’ৰ কোম্পানীৰ পৰা অহা ঔষধৰ খুচুৰা মূল্য বৃদ্ধি পাইছে । ইয়াৰ মূল্য ২০ শতাংশ পর্যন্ত বৃদ্ধি পাইছে (Prices Of Essential Medicines Raised By 20 % Medicines )।
পেৰাচিটামলৰ মূল্য ৩০ টকালৈ বৃদ্ধি পাইছে, ৩০টা ৰোটা হেলাৰ টেবলেটৰ মূল্য ৩০০ টকাৰ পৰিবৰ্তে ৩৫০ টকাকৈ বৃদ্ধি পাইছে । ৪০ মিলিগ্রাম অলমেজেষ্টৰ মূল্য ২৩৫ টকা, পেনটপৰ মূল্য ১৪৭ টকাৰ ১৫৫ টকালৈ বৃদ্ধি পাইছে ,আনহাতে ৪০ মিলিগ্রাম পানৰ মূল্য ১৫৫ টকাৰ পৰিবৰ্তে ১৬৫ টকা হৈছে। এনেদৰে প্ৰায়ভাগ জীৱনদায়িনী ঔষধৰ মূল্য বৃদ্ধি পাইছে(Medicine price hike by 20%)।
লগতে পঢ়ক : Newly constructed Assam Assembly building : আজি মুকলি কৰা হ’ব অসম বিধানসভাৰ নৱ-নিৰ্মিত ভৱন