Golden jubilee celebrations of Sri Sri vishwakarma temple in Rangiya : ৰঙিয়াৰ বাৰোৱাৰী শ্ৰীশ্ৰী বিশ্বকৰ্মা নৱনিৰ্মিত মন্দিৰৰ শুভ উদ্বোধন
নিউজ ডেস্ক,১৫ছেপ্তেম্বৰ : দেওবাৰে ৰঙিয়া তিনিআলিৰ বাৰোৱাৰীত সোণালী জয়ন্তী মহোৎসৱ অনুষ্ঠিত হয়। সোণালী জয়ন্তী উৎসৱৰ মুখ্য পতাকা উত্তোলন কৰে বিধায়ক ভৱেশ কলিতাই। লগতে বিধায়ক ভৱেশ কলিতাই ৰঙিয়া তিনিআলিৰ বাৰোৱাৰী শ্ৰীশ্ৰী বিশ্বকৰ্মা নৱনিৰ্মিত মন্দিৰৰ শুভ উদ্বোধন কৰে(Golden jubilee celebrations of Sri Sri vishwakarma temple in Rangiya)।
উল্লেখ্য যে সোণালী জয়ন্তী উপলক্ষে আজি কলহ যাত্ৰা উলিওৱা হয়। কলহ যাত্ৰাত শতাধিক মহিলাই অংশগ্ৰহণ কৰে। ইফালে এই কলহ যাত্ৰা বিশ্বকৰ্মা মন্দিৰৰ পৰা আৰম্ভ হৈ বাছ ষ্টেণ্ড হৈ শিৱ মন্দিৰ ঘাটত পানী তুলি পিছত পুনৰ বিশ্বকৰ্মা মন্দিৰত আহি সামৰণি পৰে।
সন্ধিয়া স্থানীয় আয়তীৰ নাম প্ৰসংগ আৰু নিশা নাগাৰা নাম পৰিৱেশন অনুষ্ঠিত হ’ব বুলি পৰিচালনা সমিতিয়ে জনায়। উল্লেখ্য যে আজিৰে পৰা তিনিদিনীয়াকৈ বৰ্ণাঢ্য কাৰ্যসূচীৰে নৱনিৰ্মিত ৰঙিয়া বাৰোৱাৰী শ্ৰীশ্ৰী বিশ্বকৰ্মা মন্দিৰৰ সোণালী জয়ন্তী মহোৎসৱ অনুষ্ঠিত কৰা হৈছে।
লগতে পঢ়ক :Teej festival : চিলাপথাৰত গোৰ্খা জনগোষ্ঠীৰ তীজ মহোৎসৱ পালন