পুত্ৰক হত্যা কৰাৰ অপৰাধত গ্ৰেপ্তাৰ হৈছে পিতৃ
ক’ত সংঘটিত হৈছে এই ঘটনা?
![](https://mynewsne.com/wp-content/uploads/2022/06/WhatsApp-Image-2022-06-10-at-8.53.59-PM.jpeg)
নিউজ ডেস্ক, ১০ জুন : অসমৰ চৰাইদেউ জিলাত সংঘটিত হৈছে এক চাঞ্চল্যকৰ ঘটনা। এজন ব্যক্তিক তেওঁৰ পুত্ৰক হত্যা কৰাৰ অভিযোগত গ্ৰেপ্তাৰ কৰা হৈছে।
সোণাৰি অঞ্চলৰ আইদেওবাৰী চাহ বাগিচাত সংঘটিত হৈছে এই ঘটনা । অভিযুক্ত পিতৃক জগন্নাথ গোৱালা বুলি চিনাক্ত কৰা হৈছে।
উল্লেখযোগ্য যে, জগন্নাথ গোৱালাৰ বিৰুদ্ধে তেওঁৰ অসুস্থ পুত্ৰ নৰেশ গোৱালাক হত্যা কৰি তেওঁৰ মৃতদেহ টিওক নদীত পেলাই দিয়াৰ অভিযোগ আছে।
দীৰ্ঘদিন ধৰি অসুস্থ থকাৰ বাবেই অভিযুক্তজনে তেওঁৰ পুত্ৰক হত্যা কৰাৰ অভিযোগ উঠিছে।
ইফালে, অভিযুক্ত দেউতাকক আৰক্ষীয়ে আটক কৰিছে।
আৰক্ষী বিষয়াসকলে জনাইছে যে পুত্ৰৰ মৃতদেহ বৰ্তমান সময়লৈকে উদ্ধাৰ হোৱা নাই ।
আৰক্ষীয়ে লগতে কয় যে তেওঁলোকে উদ্ধাৰৰ বাবে অভিযান অব্যাহত ৰাখিছে।