Constituency Delimitation 2023 : সমষ্টি পুনৰ নিৰ্ধাৰণৰ খচৰাক কেন্দ্ৰ কৰি উত্তাল ৰাজ্যৰ ৰাজনীতি, বৰাক উপত্যকাত ১২ ঘণ্টীয়া বন্ধৰ আহ্বান
নিউজ ডেস্ক, ২৬ জুন : নিৰ্বাচন আয়োগে শেহতীয়াকৈ প্ৰকাশ কৰা সমষ্টি পুনৰ নিৰ্ধাৰণৰ খচৰাক কেন্দ্ৰ কৰি উত্তাল হৈ আছে ৰাজ্যৰ ৰাজনীতি (Constituency Delimitation 2023) । খচৰা প্ৰস্তাৱৰ বিৰোধিতাৰে এইবাৰ বৰাক উপত্যকাৰ তিনিখন জিলা ক্ৰমে কাছাৰ, হাইলাকান্দি আৰু কৰিমগঞ্জত ১২ ঘণ্টীয়া বন্ধৰ আহ্বান জনোৱা হৈছে(Constituency Delimitation 2023) । শিলচৰস্থিত ৰাজনৈতিক দল বৰাক গণতান্ত্ৰিক মৰ্চা, চমুকৈ বিডিএফে এই বন্ধৰ আহ্বান জনাইছে(12-Hour Bandh Called in Barak Valley) ।
উল্লেখ্য যে, নিৰ্বাচন আয়োগে প্ৰকাশ কৰা খচৰা প্ৰস্তাৱ অনুসৰি বৰাক উপত্যকাত বিধানসভাৰ আসনৰ সংখ্যা ১৫ খনৰ পৰা ১৩ খনলৈ হ্ৰাস পাব । যোৱা ২০ জুনত নিৰ্বাচন আয়োগে প্ৰকাশ কৰিছিল এই খচৰা প্ৰস্তাৱ (Constituency Delimitation 2023) । এই প্ৰস্তাৱ অনুসৰি, অসমত বিধানসভা আৰু লোকসভাৰ আসনৰ সংখ্যা, ক্ৰমে ১২৬ আৰু ১৪ খন অপৰিৱৰ্তিত হৈ থাকিব।
কিন্তু নিৰ্বাচন আয়োগে বিধানসভা আৰু লোকসভা উভয়ৰে অধিকাংশ সমষ্টিৰ ভৌগোলিক সীমা সলনি কৰাৰ প্ৰস্তাৱ আগবঢ়ায় (Constituency Delimitation 2023)। আনহাতে, পূৰ্বৰ কিছু সমষ্টি কৰ্তন কৰি নতুনকৈ কেইটামান সমষ্টি গঠনৰ প্ৰস্তাৱ আগবঢ়াইছে আয়োগে।
এনে পৰিস্থিতিত এই সমষ্টি পুনৰ নিৰ্ধাৰণৰ খচৰা প্ৰস্তাৱৰ বৰাক উপত্যকাৰ অন্যান্য দল-সংগঠন, ৰাজনৈতিক দলকে ধৰি উপত্যকাটোৰ শাসকীয় বিজেপিৰ নেতাসকলেও বিৰোধিতা কৰিছে।
বৰাক ডেম’ক্ৰেটিক ফ্ৰণ্টৰ মুখ্য আহ্বায়ক প্ৰদীপ দত্ত ৰায়ে বন্ধ সন্দৰ্ভত কয় যে উপত্যকাটোৰ জনসাধাৰণৰ বৃহত্তৰ স্বাৰ্থৰ বাবে এই বন্ধৰ আহ্বান জনোৱা হৈছে।
ইফালে AIUDFৰ বিধায়ক কৰিমুদ্দিন বৰভূঞাই বৰাক উপত্যকাৰ পৰা ২ খন বিধানসভাৰ আসন কৰ্তন কৰি আসনৰ সংখ্যা ১৩ খনলৈ হ্ৰাস কৰি নিৰ্বাচন আয়োগে যি অনৈতিক সিদ্ধান্ত গ্ৰহণ কৰিছে, তাত বৰাক উপত্যকাৰ ৰাইজ হতাশ হৈছে বুলি মন্তব্য কৰে।
লগতে তেঁও নিৰ্বাচন আয়োগে এই সিদ্ধান্ত পুনৰ বিবেচনা কৰি বৰাক উপত্যকাৰ আসনৰ সংখ্যা পূৰ্বৰ দৰেই বাহাল ৰাখিব লাগে বুলি আয়োগৰ প্ৰতি আহ্বান জনায়।
ইয়াৰ পূৰ্বে মুখ্যমন্ত্ৰী হিমন্ত বিশ্ব শৰ্মাই দেওবাৰে নিৰ্বাচন আয়োগে প্ৰকাশ কৰা সমষ্টি পুনৰ নিৰ্ধাৰণৰ খচৰা প্ৰস্তাৱত কোনো সমস্যা নাই বুলি দাবী কৰিছিল।
খচৰা প্ৰস্তাৱৰ বিৰোধিতাৰে চলি থকা বিতৰ্ক সন্দৰ্ভত প্ৰতিক্ৰিয়া প্ৰকাশ কৰি মুখ্যমন্ত্ৰী হিমন্ত বিশ্ব শৰ্মাই যিসকল লোকৰ এই প্ৰক্ৰিয়া সন্দৰ্ভত কোনো ধাৰণা নাই তেওঁলোকেহে আপত্তি উত্থাপন কৰিছে বুলি মন্তব্য কৰে ।
নিৰ্বাচনত পৰাজয়ৰ আশংকা কৰাসকলেহে নিৰ্বাচন আয়োগৰ সমষ্টি পুনৰ নিৰ্ধাৰণৰ খচৰা প্ৰস্তাৱৰ প্ৰতিবাদ কৰিছে বুলিও লগতে কটাক্ষ কৰিছিল মুখ্যমন্ত্ৰী হিমন্ত বিশ্ব শৰ্মাই।
লগতে পঢ়ক : Odisha road accident : ওড়িশাত ভয়ংকৰ পথ দুৰ্ঘটনা ! নিহত ১২গৰাকীকৈ যাত্ৰী,আহত কেইবাগৰাকী