Manipur Violence : প্ৰতিবাদ স্বৰূপে মোদীৰ অনুষ্ঠান বৰ্জন দিল্লী বিশ্ববিদ্যালয়ৰ শিক্ষক সন্থাৰ

নেশ্যনেল ডেস্ক, ২৯ জুন : এইবাৰ মণিপুৰ বিষয়ত প্ৰধানমন্ত্ৰী নৰেন্দ্ৰ মোদীৰ “মৌনতা”ক লৈ বুধবাৰে কংগ্ৰেছৰ সৈতে জড়িত শিক্ষকৰ এটা সন্থাই ৩০ জুন অৰ্থা শুকুৰবাৰে দিল্লী বিশ্ববিদ্যালয় ভ্ৰমণ বৰ্জন কৰাৰ কথা ঘোষণা কৰে(teachers boycott PM Modi’s June 30 visit) । শুকুৰবাৰে দিল্লী বিশ্ববিদ্যালয়ৰ শতবাৰ্ষিকী উদযাপনৰ সামৰণি অনুষ্ঠানত মুখ্য অতিথি হিচাপে উপস্থিত থকাৰ কথা আছিল প্ৰধানমন্ত্ৰী মোডী(Manipur Violence) ।
মণিপুৰত চলি থকা সংকটৰ বাবে বহু ছাত্ৰ-ছাত্ৰী আৰু শিক্ষক মানসিকভাৱে হতাশগ্ৰস্ত হোৱাৰ লগতে আনৰ দৰে ডি ইউ শিক্ষকসকলে নীৰৱ দৰ্শক হিচাপে চাই আছে বুলি গোটটোৱে অভিযোগ উত্থাপন কৰিছে ।
ইফালে প্ৰধানমন্ত্ৰীৰ এই কাৰ্যসূচীক লৈ আন এক বিতৰ্কৰ সৃষ্টি হৈছে । শুকুৰবাৰে হ’বলগীয়া প্ৰধানমন্ত্ৰীৰ অনুষ্ঠানৰ প্ৰস্তুতি সম্পূৰ্ণ কৰিবলৈ বিশ্ববিদ্যালয় কৰ্তৃপক্ষই আজি বহু কৰ্মচাৰীৰ ছুটী বাতিল কৰিছে। বিশ্ববিদ্যালয়ৰ কৰ্মচাৰীৰ এক অংশই এই সন্দৰ্ভতো প্ৰশ্ন উত্থাপন কৰিছে।
প্ৰায় দুমাহে অস্থিৰ হৈ আছে মণিপুৰ হিংসাত্মক। হিংসাত্মক পৰিস্থিতিৰ পৰিণতিত অগ্নিগৰ্ভৰ মণিপুৰত প্ৰাণ হেৰুৱাইছে শতাধিক লোকে । ৰাজ্যখনৰ এনে পৰিস্থিতিৰ পাছতো এতিয়ালৈকে মণিপুৰ সন্দৰ্ভত সম্পূৰ্ণ নিশ্চুপ প্ৰধানমন্ত্ৰী মোদী । মোদীৰ এই মৌনতাক লৈ সৰৱ হৈ পৰিছে দেশৰ বিৰোধী তথা মণিপুৰবাসী ।
প্ৰকাশিত খবৰ অনুসৰি, শুকুৰবাৰে প্ৰধানমন্ত্ৰীগৰাকীয়ে দিল্লী বিশ্ববিদ্যালয়ৰ শতবাৰ্ষিকী অনুষ্ঠানত মুখ্য অতিথি হিচাপে অংশগ্ৰহণ কৰাৰ কথা। শিক্ষক সংগঠনটোৱে এতিয়া সেই অনুষ্ঠান বৰ্জন কৰাৰ সিদ্ধান্ত লৈছে।
কংগ্ৰেছ সমৰ্থিত শিক্ষক সংগঠনটোৱে দাবী কৰিছে যে দুমাহৰো অধিক সময় ধৰি মণিপুৰৰ পৰিস্থিতি উত্তপ্ত হৈ আছে । ৰাজ্যৰ বহু লোকে প্ৰাণ হেৰুৱালে। কিন্তু, প্ৰধানমন্ত্ৰীৰ পৰা এই সন্দৰ্ভত কোনো মন্তব্য শুনা নাই । তেওঁ সম্পূৰ্ণ নিমাত।
গতিকে শুকুৰবাৰৰ অনুষ্ঠান বৰ্জনৰ সিদ্ধান্ত মণিপুৰৰ বিষয়ত প্ৰধানমন্ত্ৰীৰ ভূমিকাৰ বিৰুদ্ধে বুলি দাবী কৰিছে INTUC নামৰ শিক্ষক সংগঠনটোৱে । বুধবাৰে সংগঠনটোৱে জাৰি কৰা এক প্ৰেছ বিবৃতিত মণিপুৰৰ প্ৰতি ভাৰত চৰকাৰৰ উদাসীন মনোভাৱ অতি দুৰ্ভাগ্যজনক বুলি আখ্যা দিছে ।
বিবৃতিটোত সংগঠনটোৱে কয় যে, দুমাহতকৈও অধিক সময় ধৰি মণিপুৰত সংঘটিত হৈ থকা হিংসাত্মক ঘটনাৰ বাবে বিশ্ববিদ্যালয়খনৰ বহু মণিপুৰী ছাত্ৰ-ছাত্ৰী মানসিকভাৱে হতাশগ্ৰস্ত হৈ পৰিছে । ৰাজ্যৰ অস্থিৰ ৰাজনৈতিক পৰিস্থিতিৰ বাবে তেওঁলোকে শিক্ষাৰ ওপৰত সঠিকভাৱে মনোনিৱেশ কৰিব পৰা নাই ।
সংগঠনটোৱে লগতে কয় যে “কিন্তু এনে পৰিস্থিতিৰ পাছতো দেশৰ প্ৰধানমন্ত্ৰীগৰাকীয়ে এটাও শব্দ মন্তব্য প্ৰকাশ নকৰিলে । আনকি, পৰিস্থিতি স্বাভাৱিক কৰাৰ বাবে কেন্দ্ৰীয় চৰকাৰৰ ইচ্ছাক লৈও প্ৰশ্ন উত্থাপন হৈছে । মণিপুৰৰ প্ৰতিগৰাকী ব্যক্তি বিভিন্ন ধৰণে এই পৰিস্থিতিৰ ফলত প্ৰভাৱিত হৈছে ।
লগতে পঢ়ক : Death threat to Salman Khan : পুনৰ ছুপাৰষ্টাৰ ছলমান খানক হত্যাৰ ভাবুকি