ডিজিটেল ডেস্ক: চিলাপথাৰত উদণ্ড যুৱকক গ্ৰেপ্তাৰ চিচিবৰগাঁও আৰক্ষীৰ। উদণ্ড যুৱককেইজনৰ তাণ্ডৱৰ দৃশ্য ভাইৰেল সামাজিক মাধ্যমত। ২৮ মাৰ্চত চিলাপথাৰ আৰক্ষী থানাৰ অন্তৰ্গত কুলাজানস্থিত ৫১৫নং ৰাষ্ট্ৰীয় ঘাইপথত চলন্ত বাহনৰ বনেতত ওলমি তাণ্ডৱৰ সৃষ্টি কৰা উদণ্ড যুৱককেইজনক ইতিমধ্যে গ্ৰেপ্তাৰ কৰিছে চিচিবৰগাঁও আৰক্ষীয়ে ৷
চিলাপথাৰৰ কুলাজান আৰক্ষী তহলদাৰী চকীৰ সমীপত উদ্ভণ্ডালি সৃষ্টি কৰিছিল ৯জনকৈ যুৱকে ৷ পথচাৰীৰ হাতত উদণ্ড যুৱককেইজনৰ ভিডিঅ বন্দী হোৱাত সামাজিক মাধ্যমত ভাইৰেল হয় দৃশ্য ৷
লগে লগে ধেমাজি আৰক্ষী আৰু চিচিবৰগাঁও আৰক্ষীৰ যুটীয়া অভিযানত বুধবাৰে সন্ধিয়া চিচিবৰগাঁৱৰ চৌকামটিংত AS22F5685 নম্বৰযুক্ত বাহনসহ গ্ৰেপ্তাৰ কৰা হ’ল ৯জন কিশোৰ যুৱকক ৷ বিপজ্জনকভাৱে ষ্টাণ্ট কৰা যুৱককেইজনৰ লগতে গাড়ীসমূহ চিনাক্তকৰণ কৰি উদ্ভণ্ডালি কৰা কিশোৰ-যুৱকৰ বিৰুদ্ধে আইনী ব্যৱস্থা গ্ৰহণ কৰিছে ধেমাজি আৰক্ষীয়ে।