বিলাসীপাৰা,১১জানুৱাৰী : নিজৰ চৰকাৰী দৰমহাৰে পেট নভৰে একাংশ আৰক্ষী বিষয়াৰ । চৰকাৰী দা দৰমহাৰে পৰিয়াল চলাব নোৱাৰে যেন আৰক্ষী বিষয়াই ৷ যাৰ বাবে অধিক টকা বিচাৰে আৰক্ষীয় বিষয়াই ।
পুনৰ অসম আৰক্ষীৰ খাকী পোচাকত ক’লা দাগ সানিলে এজন আৰক্ষী কনিষ্টবলে।
অবৈধ কাঠ কঢ়িয়াই নিয়া বাহন জব্দ কৰি উৎকোচ লৈ মুকলি কৰি দিলে আৰক্ষী কনিষ্টবলে ।
এই ঘটনা সংঘটিত হৈছে বিলাসীপাৰাৰ নয়াহাট আৰক্ষী চকীত(Bilasipara News)।
নয়াহাট আৰক্ষী চকীত নিয়োজিত কনিষ্টবল বীৰেন্দ্ৰ বৰ্মন ওৰফে বীৰেন মুকলি কৈ উৎকোচ সংগ্ৰহৰ ভিজুৱেল ভাইৰেল হৈ পৰা ঘটনাই লজ্জানত কৰিলে অসম আৰক্ষীক ।
জনহিত জন সেৱাৰ্থেৰ শপত বাক্য পাঠ কৰি অসম আৰক্ষীত নিয়োজিত নয়াহাট আৰক্ষী চকীৰ এই জন কনিষ্টবলৰ বিৰুদ্ধে কঠোৰ শাস্তি মূলক ব্যৱস্থা গ্ৰহণ কৰিবলৈ আৰক্ষী সঞ্চালক প্ৰধানক দাবী জনাইছে সচেতন মহলে ।
উল্লেখ্য যে নয়াহাট আৰক্ষী চকীত নিয়োজিত কনিষ্টবল বীৰেন্দ্ৰ বৰ্মনে জব্দ কৰে এখন অবৈধ কাঠ ভৰ্তি টেম্পো । পিছত জব্দ কৰা অবৈধ কাঠ ভৰ্তি টেম্পোখনৰ ব্যৱসায়ীৰ পৰা মুকলিকৈ উৎকোচ সংগ্ৰহৰ দৰ দাম চলায় ।
আৰক্ষী কনিষ্টবল বীৰেন্দ্ৰ বৰ্মনৰ লগতে আৰক্ষী চকীৰ আন এগৰাকী কনিষ্টবল আতিফুৰ ৰহমানেও উৎকোচ সংগ্ৰহৰ দৰ দামত জড়িত থকা দেখিবলৈ পোৱা গৈছে | আনহাতে বৰ ছাৰে পাঁচ হাজাৰ টকা বিচাৰিছে বুলি কনিষ্টবল বৰ্মনে প্ৰকাশ কৰা বৰ ছাৰ গৰাকী কোন ? এয়া আৰক্ষীৰ উচ্চ পৰ্য্যায়ৰ তদন্তত হে পোহৰলৈ আহিব ।
লগতে পঢ়ক :Dergaon News: কৃষিকৰ্মৰে জিলিকিছে দেৰগাঁৱৰ এজন আদৰ্শ কৃষক আছগৰ আলি