Aman Sehrawat Clinches Bronze In Wrestling : পেৰিছ অলিম্পিকৰ পৰা আন এটা ভাল খবৰ; পেৰিছ অলিম্পিকৰ মল্লযুঁজত ব্ৰঞ্জপদক লাভ কৰিলে অমন ছেহৰাৱাটে
স্পৰ্টছ ডেস্ক, ১০ আগষ্ট : পেৰিছ অলিম্পিকৰ পৰা আহিছে ভাল খবৰ । মল্লযুঁজত অমন শ্বেহৰাৱাট দেশলৈ আজুঁৰি আনিলে ব্ৰঞ্জৰ পদক।
শুকুৰবাৰে পুৰুষৰ ৫৭ কিলোগ্ৰাম শাখাৰ প্লে’-অফ বাউটত পুৱেৰ্টো ৰিকান মল্লযোদ্ধা ডাৰিয়ান টই ক্ৰুজক পৰাস্ত কৰি দেশৰ তৰুণ মল্লযোদ্ধা অমন চেহৰাৱতে ব্ৰঞ্জৰ পদক অৰ্জন কৰে ।ব্ৰঞ্জৰ পদকৰ মেচখনত অমনে পুৱেৰ্টো ৰিকান প্ৰতিদ্বন্দ্বীৰ বিৰুদ্ধে ১৩-৫ ব্যৱধানত বিজয় সাব্যস্ত কৰে । আনহাতে, এই বিজয়ৰ জৰিয়তে অমনে অলিম্পিকত ভাৰতৰ হৈ পদক জয় কৰা সৰ্বকনিষ্ঠ ভাৰতীয় হিচাপে পৰিগণিত হয় । লগতে কুস্তিত ভাৰতৰ পদক জয়ৰ ধাৰা অব্যাহত ৰাখে(Aman Sehrawat Clinches Bronze In Wrestling) ।
অমন শ্বেহৰাৱাটে এই পদক দখল কৰি আন এক ইতিহাস ৰচনা কৰিলে। ২০২৪ৰ অলিম্পিকত প্ৰথমবাৰলৈ অলিম্পিকত প্ৰৱেশ কৰিয়েই পদক অৰ্জন কৰা একমাত্ৰ ভাৰতীয় খেলুৱৈৰ খিতাপ দখল কৰিলে অমনে(At 21, the wrestler becomes youngest Indian to win individual Olympic medal)।
লগতে পঢ়ক : Mirabai Chanu finishes heartbreaking fourth : পেৰিছ অলিম্পিকত পদক অৰ্জন কৰাত ব্যৰ্থ মীৰাবাঈ চানু