ছ’চিয়েল মিডিয়াত অসমৰ শিলচৰত কৰ’নাৰ চিকিৎসাত নিয়োজিত হৈ থকা এগৰাকী চিকিৎসকৰ নৃত্যই মুগ্ধ কৰিলে জনপ্ৰিয় অভিনেতা ঋত্বিক ৰোচনক৷ যাৰ বাবে অসমলৈ নৃত্য শিকিবলৈ অহাৰ আগ্ৰহ প্ৰকাশ কৰিলে অভিনেতাগৰাকীয়ে৷ যুৱ চিকিৎসকজনে কৰ’না আক্ৰান্ত হৈ থকা ৰোগীসকলক মনোৰঞ্জন প্ৰদানৰ উদ্দেশ্যে পিপিই কিট পিন্ধি হাস্পতাল কক্ষতে নৃত্য প্ৰদৰ্শন কৰে৷ চিকিৎসকগৰাকীয়ে কৰা নতুন শৈলীৰ নৃত্যই বহু নামী-দামী তাৰকাৰ নৃত্যতকৈ কোনো গুণে কম নহয়৷ ডাঃ সেনাপতিৰ নৃত্য প্ৰদৰ্শন কৰিলে তেওঁ যে এগৰাকী নিপুণ নৃত্যশিল্পী সেই কথা স্পষ্ট হৈ পৰে৷ ১৮ অক্টোৱৰত ডাঃ অনুপ সেনাপতিৰ নৃত্যৰ ভিডিঅ’ চৈয়দ ফাইজান আহমেদে টুইটাৰত এৰি দিছিল৷ ইয়াৰ পিছতে ভাইৰেল হৈ পৰে সেই ভিডিঅ’টো৷ সোমবাৰে দুপৰীয়া ডাঃ আহমেদৰ টুইটত ঋত্ৱিক ৰোচনে কয় যে Tell Dr. Anup I am gonna learn his steps and dance as good as him some day terrific spirit.
