Amarnath Yatra 2023: ১ জুলাইৰ পৰা আৰম্ভ হ’ব এইবৰ্ষৰ অমৰনাথ যাত্ৰা
নেশ্যনেল ডেস্ক, ৩ জুন : জম্মু-কাশ্মীৰৰ লেফটেনেণ্ট গভৰ্ণৰ মনোজ সিনহাই শনিবাৰে এক ভিডিঅ’ কনফাৰেন্সৰ জৰিয়তে শ্ৰী অমৰনাথৰ “প্ৰথম পূজা”ত অংশগ্ৰহণ কৰে (Jammu and Kashmir Lieutenant Governor Manoj Sinha attended Pratham Pooja) । পূজাত অংশগ্ৰহণ কৰি লেফটেনেণ্ট গভৰ্ণৰগৰাকীয়ে জানিবলৈ দিয়ে যে এইবৰ্ষৰ তীৰ্থযাত্ৰা ১ জুলাইৰ পৰা আৰম্ভ হ’ব (Amarnath Yatra 2023)।
জম্মু-কাশ্মীৰৰ উপ-ৰাজ্যপালগৰাকীয়ে কয় যে, “১ জুলাইৰ পৰা দেশৰ বিভিন্ন প্ৰান্তৰ পৰা অহা তীৰ্থযাত্ৰীসকলে অমৰনাথৰ পবিত্ৰ গুহা মন্দিৰত ভিৰ কৰিবহি । ১ জুলাইৰ পৰা আৰম্ভ হৈ এইবৰ্ষৰ তীৰ্থযাত্ৰা অন্ত পৰিব অহা ৩০ আগষ্টত । তীৰ্থযাত্ৰীসকলৰ যাত্ৰা সফল কৰি তুলাৰ বাবে পৰিচালনা সমিতিয়ে ইতিমধ্যে কাম কৰি আছে।”
ইয়াৰ পূৰ্বে ২৬ মে’ত চাম্বাৰ উপায়ুক্ত অভিষেক শৰ্মাৰ অধ্যক্ষতাত আগন্তুক বাৰ্ষিক অমৰনাথ যাত্ৰাৰ প্ৰস্তুতি সন্দৰ্ভত আলোচনা আৰু মূল্যায়নৰ বাবে এখন বৈঠক অনুষ্ঠিত কৰে । বৈঠকত যাত্ৰীৰ নিৰাপত্তা ব্যৱস্থাৰ ওপৰত প্ৰস্তুত কৰা পৰিকল্পনাসমূহৰ ওপৰত এক পৰ্যালোচনা কৰা হয় (Annual Amarnath Yatra)।
১ জুলাইৰ পৰা আৰম্ভ হৈ ৩১ আগষ্টত সমাপ্ত হ’ব লগা ৬২ দিনীয়া এই যাত্ৰা হৈছে অমৰনাথ গুহা ভ্ৰমণ কৰা হিন্দু ভক্তসকলৰ বাবে এক গুৰুত্বপূৰ্ণ তীৰ্থযাত্ৰা, যাক ভগৱান শিৱৰ বাসস্থান বুলি বিশ্বাস কৰা হয় ।
ইতিমধ্যে প্ৰশাসনে ভক্তসকলৰ বাবে এক পৰিপাতি আৰু অসুবিধাবিহীন যাত্ৰাৰ আশ্বাস প্ৰদান কৰিছে । লেফটেনেণ্ট গৱৰ্ণৰ মনোজ সিনহাই ভক্তৰ নিৰাপত্তা আৰু প্ৰদান কৰিব লগা সা সুবিধাৰ কথা উল্লেখ কৰি কয় যে চৰকাৰৰ সৰ্বোচ্চ অগ্ৰাধিকাৰ হৈছে দৰ্শনাৰ্থী আৰু সেৱা প্ৰদানকাৰীসকলক উন্নত স্বাস্থ্যসেৱা আৰু অত্যাৱশ্যকীয় সুবিধা প্ৰদান কৰা ।
অনন্তনাগ জিলাৰ পহলগাম ট্ৰেক আৰু গণ্ডাৰবল জিলাৰ বাল্টাল দুয়োটাৰে পৰা একেলগে আৰম্ভ হ’ব, যাৰ ফলত ভক্তসকলে তেওঁলোকৰ বাবে সৰ্বোত্তম পথ বাছি লোৱাৰ বিকল্প লাভ কৰিব (Pahalgam track in Anantnag and Baltal)।
প্ৰাপ্ত তথ্য অনুসৰি অনন্তনাগ জিলাৰ পহলগাম ট্ৰেক আৰু গান্দেৰবাল জিলাৰ বালতালৰ পৰা দুটা পৃথক পথেৰে একেলগে অমৰনাথ যাত্ৰা আৰম্ভ হ’ব, যাৰ ফলত ভক্তসকলক তেওঁলোকৰ বাবে সৰ্বোত্তম পথটো বাছি লোৱাৰ বিকল্প লাভ কৰিব।
ইতিমধ্যে শ্ৰী অমৰনাথ শ্ৰাইন ব’ৰ্ডে (Amarnath Shrine Board)সমগ্ৰ বিশ্বৰ পৰা আহিব লগা ভক্তসকলৰ বাবে পুৱা আৰু গধূলি প্ৰাৰ্থনাৰ পোনপটীয়া প্ৰচাৰৰ কাৰিকৰী ব্যৱস্থাও সম্পূৰ্ণ কৰি তুলা বুলি জানিব পৰা গৈছে (Live telecasts of prayers) ।
প্ৰতি বছৰে হৈ অহা এই অমৰনাথ যাত্ৰা হৈছে হিন্দু পঞ্জিকাৰ এক উল্লেখযোগ্য অনুষ্ঠান আৰু হাজাৰ হাজাৰ ভক্তক অমৰনাথ গুহাত থকা মন্দিৰে আকৰ্ষিত কৰি আহিছে (Significant event in Hindu calendar) । তীৰ্থযাত্ৰীসকললৈ চৰকাৰে প্ৰদান কৰা এক পৰিপাতি আৰু অসুবিধাবিহীন যাত্ৰাৰ আশ্বাসে (Assurance of a hassle free yatra) যাত্ৰীসকলৰ বাবে নিৰাপদ আৰু আধ্যাত্মিকভাৱে পৰিপূৰ্ণ যাত্ৰাৰ এক বাতাৱৰণ সৃষ্টি কৰিব বুলি আশা কৰা হৈছে (Safe and spiritually fulfilling journey to Amarnath Cave) ।
লগতে পঢ়ক : Odisha train accident : ওড়িশাত ভয়ংকৰ ৰে’ল দুৰ্ঘটনা,বাতিল অসমলৈ অহা ৰে’ল