নিউজ ডেস্ক,১৬ জুলাই : ৰাষ্ট্ৰীয় স্বাস্থ্য মিছন (NHM)-ৰ এক প্ৰতিবেদন অনুসৰি অসমত যোৱা ২৪ ঘণ্টাত মহ-জনিত ৰোগত আৰু চাৰিজন লোকে প্ৰাণ হেৰুৱাইছে, যাৰ ফলত এই সংখ্যা ২৩ জনলৈ বৃদ্ধি হৈছে। নলবাৰী আৰু মৰিগাঁও জিলাৰ পৰা দুটাকৈ মৃত্যুৰ খবৰ পোৱা গৈছে।
আনহাতে, যোৱা ২৪ ঘণ্টাত ৰাজ্যখনত JEৰ ১৬ টা নতুন ঘটনা ধৰা পৰিছে। NHMৰ প্ৰতিবেদনত কোৱা হৈছে যে বৰপেটা, কামৰূপ মেট্ৰ’পলিটান, পূৱ কাৰ্বি আংলং আৰু হোজাইত এটাকৈ নতুন সংক্ৰমণ ধৰা পৰাৰ সময়ত, নগাঁৱত চাৰিটা, শিৱসাগৰত দুটা, আৰু কৈ নলবাৰী আৰু ওদালগুৰি জিলাত তিনিটাকৈ নতুন সংক্ৰমণ হৈছে।
ৰাষ্ট্ৰীয় স্বাস্থ্য মিছনৰ এক প্ৰতিবেদন অনুসৰি জাপানীজ এনকেফেলাইটিছত ১৫ দিনত অসমত কমেও ২৩ জন লোকে প্ৰাণ হেৰুৱাইছে ।
ইয়াৰ সৈতে, জুলাইৰ পৰা অসমত মুঠ ১৬০ টা JEৰ ঘটনা পোহৰলৈ আহিছে।
প্ৰতিবেদনত কোৱা হৈছে যে উজনি অসমৰ গোলাঘাট, যোৰহাট, মাজুলী, শিৱসাগৰ, লখিমপুৰ, মধ্য অসমৰ জিলা নগাঁও, হোজাই, মৰিগাঁও, পাহাৰীয়া জিলা পূব কাৰ্বি আংলং আৰু নিম্ন অসমৰ জিলা বৰপেটা, কামৰূপ মেট্ৰ’পলিটান, নলবাৰী আৰু ওদালগুৰিকে ধৰি অসমৰ প্ৰায় কেইখন জিলাতে এই ৰোগত আক্ৰান্ত ব্যক্তি পোহৰলৈ আহিছে।