নিউজ ডেস্ক, ২৯ জুলাই : শুকুৰবাৰে গুৱাহাটীৰ VIP পথত অৱস্থিত হাউচিং কমপ্লেক্সৰ এটা এপাৰ্টমেণ্টত এটা ডাঙৰ অগ্নিকাণ্ড সংঘটিত হয়।
বাতৰি অনুসৰি, চহৰখনৰ ছয় মাইল অঞ্চলৰ পালাচিয়া পাৰ্ক এপাৰ্টমেণ্টৰ(Palacia Park Apartments) ব্লক-২ৰ ষষ্ঠ মহলাত এই অগ্নিকাণ্ড সংঘটিত হয়।
ইফালে, কেইবাখনো অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হয় আৰু যথেষ্ট সংগ্ৰামৰ পিছত জুই নিয়ন্ত্ৰণলৈ আহে।
Related Posts
উল্লেখ্য যে, জুই লগা এপাৰ্টমেণ্টটো প্ৰদীপ বৰগোহাঁইৰ আছিল বুলি জানিব পৰা গৈছে। আনহাতে, এপাৰ্টমেণ্টটো সম্পূৰ্ণৰূপে ভস্মীভূত হৈছে আৰু লাখ লাখ মূল্যৰ ক্ষতি হৈছে বুলি বিশ্বাস কৰা হৈছে।
অৱশ্যে, ঘটনাটো সংঘটিত হোৱাৰ সময়ত ঘৰত কোনো নাছিল বাবে ঘটনাটোৰ ফলত কোনো লোকৰ আঘাত বা মৃত্যুৰ খবৰ পোৱা হোৱা নাই ।
আনহাতে, বৈদ্যুতিক শ্বৰ্ট চাৰ্কিটৰ বাবে জুই লাগিছিল বুলি ধাৰণা কৰা হৈছে।