ডিজিটেল ডেস্ক :- ব’হাগ বিহুৰ আনন্দ উছাহৰ মাজতে নগাঁৱত সংঘটিত হৈছে এক নৃশংস হত্যাকাণ্ড।কন্দলী কচুবস্তিত সংঘটিত হয় হত্যাকাণ্ডটো।
বিহুৰ উৎসাহ-উদ্দীপনাৰ মাজতেই দেওবাৰে নিশা নগাঁৱৰ কন্দলী কচুবস্তিত সংঘটিত হয় হত্যাকাণ্ডৰ ঘটনা৷ সুৰাপায়ী স্বামীয়ে বাঁহেৰে কোবাই কোবাই হত্যা কৰিলে পত্নীক ৷ নিহত মহিলাগৰাকীৰ নাম সবিকণ বসুমতাৰী৷ জানিব পৰা মতে পাৰিবাৰিক কন্দলৰ ফলতে এই হত্যাকাণ্ড সংঘটিত হৈছে৷
Related Posts
ঘটনাটোৰ পিছতে আৰক্ষী ঘটনাস্থলীত উপস্থিত হৈ হত্যাকাৰী প্ৰদীপ বসুমতাৰীক আটক কৰে।
নিহত সবিকণ বসুমতাৰীৰ মৃতদেহ আৰক্ষীয়ে উদ্ধাৰ কৰি মৰণোত্তৰ পৰীক্ষা ব্যৱস্থা কৰিছে৷ঘটনাক কেন্দ্ৰ কৰি সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি হৈছে। স্থানীয় ৰাইজৰ অভিযোগ, প্ৰায়ে প্ৰদীপ বসুমতাৰীয়ে পত্নীক অত্যাচাৰ কৰি আহিছিল।