Five of family killed as truck rams into car in Madhya Pradesh : মৰ্মান্তিক দুৰ্ঘটনা;দুৰ্ঘটনাত নিহত একেটা পৰিয়ালৰ ৫জনকৈ সদস্যৰ
নেশ্যনেল ডেস্ক,৩আগষ্ট : এক মৰ্মান্তিক দুৰ্ঘটনা । দুৰ্ঘটনাত নিহত একেটা পৰিয়ালৰ ৫জনকৈ সদস্যৰ ।
মধ্যপ্ৰদেশৰ সাগৰ জিলাত সংঘটিত হৈছে এক ভয়ংকৰ দুৰ্ঘটনা । তীব্ৰবেগী ট্ৰাকে মহতিয়াই নিলে চাৰিচকীয়া বাহন । ফলত থিতাতে নিহত একে পৰিয়ালৰ শিশুসহ ৫ জনকৈ সদস্যৰ।
আৰক্ষীয়ে জনোৱা অনুসৰি শুকুৰবাৰে জিলাখনৰে এক আত্মীয়ৰ পৰিয়াললৈ গৈছিল সুৰেশ জৈন আৰু তেওঁৰ পৰিয়াল। আত্মীয়ৰ ঘৰৰ পৰা স্বগৃহলৈ ঘূৰি অহাৰ পথতে তেওঁলোকৰ বাহনখনত এখন ট্ৰাকে খুন্দা মাৰে ফলত সংঘটিত হয় এই ভয়ংকৰ দুৰ্ঘটনাটো ।দুৰ্ঘটনাগ্ৰস্ত বাহনখনত আছিল সুৰেশ জৈনৰ পত্নী প্ৰভা, পুত্ৰ শৈলেন্দ্ৰ, বোৱাৰী নেন্সি আৰু চাৰি বছৰীয়া নাতি উৎকৰ্ষ(Five of family killed as truck rams into car in Madhya Pradesh)।
আৰক্ষীৰ মতে ট্ৰাকখনে বিপৰীত দিশৰ পৰা আহি খুন্দা মাৰিছিল সুৰেশ জৈন আৰু তেওঁৰ পৰিয়াল আহি থকা বাহনখনত। ট্ৰাকৰ প্ৰচণ্ড খুন্দাত বাহনখন ভাঙি পৰে। তাৰ মাজতেই আৱদ্ধ হৈ পৰে পৰিয়ালটো।
এই ঘটনা সংঘটিত হোৱাৰ লগে লগে স্থানীয় লোকসকল ঘটনাস্থলীলৈ আহে আৰু আহতসকলক বাহখনৰ পৰা বাহিৰলৈ উলিয়াবলৈ চেষ্টা কৰে। সমান্তৰালকৈ স্থানীয় আৰক্ষীয়ে তেওঁলোকক হাস্পতাললৈ প্ৰেৰণ কৰে। অৱশ্যে হাস্পতালত চিকিৎসকে সকলোকেই মৃত ঘোষণা কৰে।
আৰক্ষীৰ প্ৰাথমিক অনুসন্ধান অনুসৰি দুৰ্ঘটনা সংঘটিত হোৱা দুয়োখন বাহনেই অত্যাধিক বেগত আছিল। দুৰ্ঘটনা সংঘটিত কৰা ট্ৰাকখন আৰক্ষীয়ে জব্দ কৰিছে যদিও ট্ৰাকখনৰ চালকজনে পলায়ন কৰিছে।
আৰক্ষীয়ে এই চালকজনৰ সন্ধানতো অভিযান আৰম্ভ কৰিছে। স্থানীয় আৰক্ষী থানাৰ ভাৰপ্ৰাপ্ত আৰক্ষী বিষয়াগৰাকীয়ে সংবাদ মাধ্যমৰ আগত জনোৱা অনুসৰি ট্ৰাকখনে কাৰখনক খুন্দা মাৰি কাৰখনৰ ওপৰত উঠি যায়। ফলত জেচিবি আনিবলগীয়া হয় আৰু গাড়ীৰ দৰ্জা ভাঙি দেহসমূহ উদ্ধাৰ কৰিবলগীয়া হয়।
লগতে পঢ়ক : Assam man Goes Missing In Kolkata : বহি:ৰাজ্যত সন্ধানহীন বাক্সাৰ আব্দুল ৰহিম