Drugs peddler arrested along with drugs : ধুবুৰীত বুজন পৰিমাণৰ ব্ৰাউন ছুগাৰ ভৰ্তি কণ্টেইনাৰসহ আটক সৰবৰাহকাৰী
নিউজ ডেস্ক,২৫জুলাই : ৰাজ্যৰ বিভিন্ন প্ৰান্তত এতিয়াও অব্যাহত আছে ড্ৰাগছৰ ৰমৰমীয়া ব্যৱসায়।
আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ।
ৰাজ্যজুৰি প্ৰতিদিনেই ড্ৰাগছ বিৰোধী অভিযান অব্যাহত থকাৰ পিচতো গা ল’ৰা নাই একাংশ সৰবৰাহকাৰীৰ ৷ প্ৰতিদিনে সৰবৰাহ কৰি আছে নিচাজাতীয় সামগ্ৰী (Drugs peddler arrested along with drugs)।
ৰাজ্যজুৰি প্ৰতিদিনেই ড্ৰাগছ বিৰোধী অভিযান অব্যাহত থকাৰ পিচতো গা ল’ৰা নাই একাংশ সৰবৰাহকাৰীৰ ৷ প্ৰতিদিনে সৰবৰাহ কৰি আছে নিচাজাতীয় সামগ্ৰী ।
ৰাজ্যৰ অন্য প্ৰান্তৰ সমান্তৰালকৈ ধুবুৰীত চলি আছে নিচাজাতীয় সামগ্ৰীৰ ৰমৰমীয়া ব্যৱসায় । ধুবুৰী জিলাৰ ছাগলীয়াত নিচাযুক্ত সামগ্ৰীৰ বিৰুদ্ধে আৰক্ষীৰ অভিযান ।
গোলকগঞ্জ আৰক্ষী থানাৰ চক্ৰ পৰিদৰ্শক ৰাতুল হালৈয়ে এক গোপন তথ্যৰ ভিত্তিত উপ-পৰিদৰ্শক হিৰকজ্যোতি দাস আৰু এটা আৰক্ষীৰ দলৰ সৈতে বুধবাৰে নিশা ছাগলীয়া প্ৰথম খণ্ড গাঁৱত অভিযান চলায়।আৰক্ষীৰ অভিযানত ১৮ টাকৈ সন্দেহজনক ব্ৰাউন ছুগাৰ ভৰ্তি কণ্টেইনাৰ জব্দ কৰিবলৈ সক্ষম হয়।
আৰক্ষীৰ সূত্ৰই বৃহস্পতিবাৰে সদৰী কৰা মতে,অভিযানকাৰী দলটোৱে যোৱা নিশা ছাগলীয়া প্ৰথম খণ্ড গাঁৱৰ মোহাম্মদ হাছেন আলী সেখৰ পুত্ৰ আজ্জাল হুছেইনৰ ঘৰত তালাচী অভিযান চলাইছিল।
অভিযানত সন্দেহ জনক ১৮ টা ব্ৰাউন ছুগাৰৰ কণ্টেইনাৰ জব্দ কৰাৰ লগতে আজ্জাল হুছেইনক আৰক্ষীয়ে আটক কৰি গোলকগঞ্জ থানালৈ লৈ আনে। ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে।
লগতে পঢ়ক : Veteran Musician Ramen Barua missing : আজিও সন্ধান নাই ৰমেন বৰুৱাৰ