নিউজ ডেস্ক,২৩জুলাই : ২৪ ঘণ্টা উকলি যোৱাৰ পিছতো সন্ধান নাই বিশিষ্ট সংগীত পৰিচালক ৰমেন বৰুৱাৰ। মহানগৰীত কেইবাটাও স্থানত অভিযান চলায় শিল্পী জুবিন গাৰ্গে । ব্ৰহ্মপুত্ৰৰ বুকুত অভিযান চলাই আছে SDRF আৰু NDRF বাহিনীয়ে ।
সোমবাৰে গভীৰ নিশালৈ সংগীত পৰিচালক ৰমেন বৰুৱাক বিচাৰি যুৱ প্ৰজন্মৰ হাৰ্টথ্ৰব জুবিন গাৰ্গেও মহানগৰীৰ লাচিত ঘাট, কামাখ্যা মন্দিৰ, শুক্লেশ্বৰ, ভূতনাথ, উজান বজাৰত ৰমেন বৰুৱাক বিচাৰি অভিযান চলাই।
তাৰ পিছত লতাশিল থানাত উপস্থিত হয় জুবিন গাৰ্গ। লতাশিল আৰক্ষীৰ সহযোগত ৰমেন বৰুৱাৰ লাষ্ট ম’বাইল লোকেশ্বন লাভ কৰা গৌহাটী উচ্চ ন্যায়ালয়ৰ পিছফালে ব্ৰহ্মপুত্ৰৰ পাৰত উপস্থিত হয় জুবিন গাৰ্গ। কিন্তু বৰ্তমানেও সন্ধানহীন ৰমেন বৰুৱা(Veteran Musician Ramen Barua missing :Veteran Musician Ramen Barua missing)।
বৰ্তমানেও ব্ৰহ্মপুত্ৰৰ বুকুত SDRF আৰু NDRF বাহিনীয়ে ৰমেন বৰুৱাক বিচাৰি অব্যাহত ৰাখিছে অভিযান।
আৰক্ষীয়ে জনোৱা মতে, সোমবাৰে পুৱা ১০ বজাত ৰমেন বৰুৱাই গৌহাটী উচ্চ ন্যায়ালয়ৰ ফালে খোজ কাঢ়ি যোৱাৰ চিচিটিভি ফুটেজ লাভ কৰিছে আৰক্ষীয়ে। আনহাতে, ম’বাইলৰ শেষ লোকেচন উচ্চ ন্যায়ালয়ৰ সমীপৰ ব্ৰহ্মপুত্ৰৰ পাৰত লাভ কৰিছিল আৰক্ষীয়ে। সেই লোকেচনৰ আঁত ধৰিয়েই চলিছে অভিযান। ডুবাৰুৰ জৰিয়তে ব্ৰহ্মপুত্ৰৰ তলতো অভিযান চলাবলৈ সাজু হৈছে উদ্ধাৰকাৰী বাহিনী।
লগতে পঢ়ক : Union Budget 2024 : মোদী 3.0ৰ প্ৰথমখন সাধাৰণ বাজেট;বাজেটত স্থান পালে অসমৰ বানে!