নিউজ ডেস্ক,২০জুলাই : ৰাজ্যৰ বানৰ বিভীষিকাময় পৰিস্থিতিৰ মাজতে জাপানীজ এনকেফেলাইটিছৰ ভয়াবহ ৰূপ। ৰাজ্যৰ বিভিন্ন প্ৰান্তত দেখা দিছে জাপানীজ এনকেফেলাইটিছ । ইফালে জাপানীজ এনকেফেলাইটিছৰ প্রাদুর্ভাৱে অধিক আতংকিত হৈ পৰিছে ৰাজ্যবাসী । বিশেষকৈ কিছুমান অঞ্চলত মেলেৰীয়া, জাপানীজ এনকেফেলাইটিছ বা এনকেফেলাইটিছ সদৃশ ৰোগৰ প্ৰাদুৰ্ভাৱ হৈছে(Japanese Encephalitis) ।
শুকুৰবাৰে জাপানী এনকেফেলাইটিছ ৰোগত আক্ৰান্ত হৈ মৃত্যু লাকুৱা টিপমীয়া গাঁৱৰ এগৰাকী ব্যক্তি ৷ মৃত্যু হোৱা লোকজনৰ নাম প্ৰদীপ বাইলুং (৬৩) বুলি জানিব পৰা গৈছে ৷
উল্লেখ যে, গ্ৰামাঞ্চলটোৰ নিবাসী প্ৰদীপ বাইলুং নামৰ ব্যক্তিগৰাকীৰ আৰম্ভণিতে জ্বৰ হোৱাত প্ৰথমে লাকুৱা মডেল চিকিৎসালয়ৰ পৰা শিৱসাগৰ অসামৰিক চিকিৎসালয়লৈ নিয়াৰ পাছত তেজ পৰীক্ষাৰ অন্তত জে ইৰ বীজাণু ধৰা পৰাত ডিমৌ চ্যুকাফা মাল্টিস্পেচিয়েলিটি হস্পিতেলত ভৰ্তি কৰা হয়।
অৱশ্যে মগজুত আক্ৰান্ত হোৱাৰ ফলত ব্যক্তিগৰাকী প্ৰায় অচল হৈ পৰাত বিগত কেইবাদিনো ঘৰতে চিকিৎসা কৰি থকাৰ পাছত শনিবাৰে মৃত্যু ঘটে । ইফালে লাকুৱাৰ উজনি কোঁৱৰ গাঁৱতো আন দুজন লোক জাপানী এনকেফেলাইটিছত আক্ৰান্ত হৈ চিকিৎসাধীন হৈ বুলি জানিব পৰা গৈছে ।
লগতে পঢ়ক : Bangladesh violence : উত্তপ্ত বাংলাদেশ ! দেশজুৰি কাৰ্ফিউ জাৰি