নিউজ ডেস্ক , ১৮ নৱেম্বৰ : ৰাজ্যত অব্যাহত আছে ড্ৰাগছ বিৰোধী অভিযান । কিন্তু তাৰ মাজতে ৰাজ্যত অব্যাহত আছে নিচাজাতীয় সামগ্ৰীৰ সৰবৰাহ । হিমন্ত বিশ্ব শৰ্মাৰ চৰকাৰ শাসনলৈ আহিয়েই ড্ৰাগছ আৰু নিচাজাতীয় সামগ্ৰীৰ সৰবৰাহকাৰীৰ বিৰুদ্ধে যি হুংকাৰ দিছিল তাক ওফৰাই এতিয়াও ড্ৰাগছৰ ব্যৱসায় অব্যাহত ৰাখিছে একাংশ দুষ্টচক্ৰই(Drugs peddler arrested) । ড্ৰাগছৰ কৰাল গ্ৰাসত পৰিছে যুৱ প্ৰজন্ম । নগৰ অঞ্চলৰ লগতে এতিয়া গ্ৰামাঞ্চলটো ভয়াৱহ ৰূপত বৃদ্ধি পাইছে ড্ৰাগছ আসক্তৰ সংখ্যা । যাৰ ফলত বহু পৰিয়াললৈ নামি আহিছে ঘোৰ অমানিশা ।
বৰ্তমান সময়ত যুৱ প্ৰজন্মৰ একাংশ তিলতিলকৈ ধ্বংসৰ গৰাহলৈ গৈ থকাৰ আঁৰত আছে ড্ৰাগছ আসক্তি(Drugs peddler arrested)। সুৰাপানৰ সমান্তৰালকৈ বৰ্তমান সময়ত বিভিন্ন ধৰণৰ ড্ৰাগছ সেৱনৰ ঘটনা আমাৰ বাবে অজান নহয়। প্ৰধানকৈ কৈশোৰৰ পৰা যৌৱনপ্ৰাপ্তিৰ কালছোৱাৰ সময়ত সহজেই ল’ৰা-ছোৱালী ড্ৰাগছৰ কৱলত পৰা দেখা যায়। ড্ৰাগছ ক্ৰয় কৰিবৰ বাবে প্ৰয়োজনীয় পইছাৰ অভাৱত বহু সময়ত বিভিন্ন ধৰণৰ অপৰাধ পৰ্যন্ত কৰিবলৈয়ো পিছ হুহকি নাযায় তৰুণ-তৰুণী । ড্ৰাগছৰ কবলত পৰিলে অতি সহজেই শৰীৰ আৰু মন নিচাগ্ৰস্ত হৈ পৰে (Drugs peddler arrested in Karimganj )।
আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ । একাংশ দুষ্ট চক্ৰই কৰি আছে ইয়াৰ সৰবৰাহ । ড্ৰাগছৰ লগতে একাংশ দুষ্ট চক্ৰই সৰবৰাহ কৰি আছে নিচাজাতীয় সামগ্ৰীৰ । চৰকাৰে যি নিচামুক্ত অসম গঢ়াৰ কথা কৈছিল তাক যেন উফৰাই পেলাইছে একাংশই ।
এইবাৰ কৰিমগঞ্জত জব্দ বুজন পৰিমাণৰ নিষিদ্ধ ড্ৰাগছ । শুকুৰবাৰে অটোৰ পৰা জব্দ বুজন পৰিমাণৰ ড্ৰাগছ । আৰক্ষীয়ে প্ৰায় ৯৬০০ ইয়াবা টেবলেটসহ ৪৮টা পেকেট জব্দ কৰে । জব্দকৃত ড্ৰাগছখিনিৰ মূল্য প্ৰায় ৫০লাখতকৈ অধিক হ’ব বুলি আৰক্ষীয়ে অনুমান কৰিছে(Autorickshaw Driver Arrested In Karimganj With Drugs Worth Rs 50 Lakh)।
জানিব পৰা মতে, আৰক্ষীয়ে ড্ৰাগছসহ এজন অটোৰিক্সা চালকক গ্ৰেপ্তাৰ কৰে ।নিৰ্দিষ্ট ইনপুটৰ ভিত্তিত চাৰ্গোলা অঞ্চলৰ ৰাষ্ট্ৰীয় ঘাইপথত আৰক্ষী বিষয়াসকলে এ এছ ১০ চি ২৯৪০ নম্বৰৰ এখন অটোৰিক্সা তালাচী চলায়।তালাচী চলোৱাৰ সময়ত অটোৰিক্সাখনৰ পৰা জব্দ কৰে ইয়াবা টেবলেট।
আৰক্ষীয়ে আটক কৰা লোকজনক নিয়াজ উদ্দিন বুলি চিনাক্ত কৰিছে ।
লগতে পঢ়ক : College Girl Stabbed During E-Rickshaw Ride : কলেজীয়া ছাত্ৰীক আক্ৰমণ চোকা অস্ত্ৰধাৰী দুৰ্বৃত্তৰ