মৰিগাওঁ, ১৬ নৱেম্বৰ : চোকা অস্ত্ৰৰে ছাত্ৰীক আক্ৰমণ দুৰ্বৃত্তৰ । ই-ৰিক্সাত কলেজৰ পৰা গৈ থকাৰ সময়তে দুৰ্বৃত্তই মুখত সোপা মাৰি চোকা অস্ত্ৰৰে আঘাট কৰি আহত কৰে ছাত্ৰী গৰাকীক(College Girl Stabbed During E-Rickshaw Ride) ।
মৰিগাঁৱত সংঘটিত হৈছে এক চাঞ্চল্যকৰ ঘটনা । বৃহস্পতিবাৰে মৰিগাঁও জিলাৰ সমীপৱৰ্তী দলবাৰীত দিন দুপৰতে এগৰাকী ছাত্ৰীক আক্ৰমণ কৰে চোকা অস্ত্ৰধাৰী দুৰ্বৃত্তই( College Girl Stabbed During E-Rickshaw Ride In Morigaon) ৷
ঘটনাৰ বিৱৰণী মতে, বৃহস্পতিবাৰে মৰিগাঁও আৰক্ষী থানাৰ অন্তৰ্গত দলবাৰীত ছাত্ৰীগৰাকী ঘৰৰ পৰা ই-ৰিক্সাৰে কলেজলৈ আহি থাকোঁতে দুজন যুৱকে প্ৰথমে ছাত্ৰীগৰাকীক মুখত সোপা মাৰি ধৰে আৰু তাৰ পিচত ছুৰীৰে আক্ৰমণ কৰে(College Girl Stabbed During E-Rickshaw Ride In Morigaon) ৷
ছাত্ৰীগৰাকীয়ে জানিবলৈ দিয়া মতে, তেওঁৰ ই-ৰিক্সাখন চালকগৰাকীয়ে ভুল পথেৰে লৈ গৈছিল ৷ ছাত্ৰীগৰাকীয়ে চিঞৰ বাখৰ কৰিছিল যদিও চালকজনে ই-ৰিক্সাখন ৰখোৱা নাছিল ৷
ইয়াৰ পিচতে আহত ছাত্ৰীগৰাকীক মৰিগাঁও তিলক হেমৰাম গুণাভিৰাম অসামৰিক চিকিৎসালয়ত ভৰ্তি কৰা হৈছে । এই ঘটনাই এতিয়া সমগ্ৰ জিলাখনত তীব্ৰ প্ৰতিক্ৰিয়াৰ সৃষ্টি কৰিছে ৷ ছাত্ৰীগৰাকী মৰিগাঁও জ্ঞানদ্বীপ ছিনিয়ৰ ছেকেণ্ডাৰী কলেজৰ ছাত্ৰী বুলি জানিব পৰা গৈছে ৷ ছাত্ৰীগৰাকীৰ ঘৰ দন্দুৱাত ৷ ইতিমধ্যে ছাত্ৰীগৰাকীৰ পৰিয়ালে ঘটনা সন্দৰ্ভত মৰিগাঁও আৰক্ষী থানাত গোচৰ ৰুজু কৰিছে ৷
ছাত্ৰীগৰাকীক বৰ্তমান চিকিৎসালয়ত চিকিৎসা প্ৰদান কৰি থকা হৈছে । ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷ তদন্তৰ অন্তত হে পোহৰলৈ আহিব প্ৰকৃত ঘটনা ৷
লগতে পঢ়ক : Dead Body Recovered :শৌচাগাৰৰ টেংকিত অৰ্ধগলিত মৃতদেহ উদ্ধাৰ, আটক এজন