নিউজ ডেস্ক : শ্ৰীকৃষ্ণ ৰুক্মিণী সন্দৰ্ভত বিতৰ্কিত মন্তব্য কৰি বিপদত অসম প্ৰদেশ কংগ্ৰেছৰ সভাপতি ভূপেন বৰা । নিজৰ পিচলি যোৱা জিভাখনৰ বাবেই এইবাৰ বিপদত প্ৰদেশ কংগ্ৰেছৰ সভাপতি ভূপেন বৰা ৷ অসম প্ৰদেশ কংগ্ৰেছৰ সভাপতিগৰাকীয়ে বৃহস্পতিবাৰে লাভ জেহাদৰে মহাভাৰতৰ ব্যাখ্যা দাঙি ধৰিছিল আৰু শ্ৰীকৃষ্ণ ৰুক্মিণী সন্দৰ্ভত কৰিছিল বিতৰ্কিত মন্তব্য (Love Jihad controversy)।
লাভ জেহাদৰ প্ৰসংগত মন্তব্য আগবঢ়াবলৈ গৈ বিষয়টোৰ মাজলৈ হিন্দুৰ উপাস্য দেৱতা ভৱগান কৃষ্ণ আৰু মহাকাব্য মহাভাৰতক টানি আনি বিতৰ্কত সোমাই পৰিছে প্ৰদেশ কংগ্ৰেছৰ সভাপতি ভূপেন কুমাৰ বৰা (if anyone files a complaint pradesh congress president Bhupen bora will be arrested) ৷
বৃহস্পতিবাৰে মুখ্যমন্ত্ৰীয়ে গোলাঘাটৰ ত্ৰিপল মাৰ্ডাৰৰ ঘটনাক লৈ লাভ জেহাদক লৈ যি মন্তব্য আগবঢ়াইছিল তাৰ পিছতে এক বিতৰ্কিত মন্তব্য কৰে ভূপেন বৰাই (pradesh congress president bhupen bora may be arrested) ।
ভূপেন বৰাই-লাভ জেহাদ সন্দৰ্ভত কয় যে, ইতিহাসে ঢুকি নোপোৱা কালৰ পৰাই লাভ জেহাদ চলি আহিছে ৷ পূৰ্বতেও বৈবাহিক প্ৰস্তাৱক লৈ ৰজা-মহাৰজাৰ মাজত যুদ্ধ হৈছিল ৷ মহাভাৰতৰ উৎসৰ কথা উল্লেখ কৰি ভূপেন বৰাই কয় যে, ধৃতৰাষ্ট্ৰলৈ গান্ধাৰীক বিয়া কৰোৱাই অনা আৰু শ্ৰীকৃষ্ণই ৰুক্মিণীক বিবাহ কৰোৱাটোও এক প্ৰকাৰ লাভ জেহাদ বুলি আখ্যা দিয়ে(pradesh congress president bhupen bora) ৷
প্ৰদেশ কংগ্ৰেছৰ সভাপতি ভূপেন বৰাৰ এই মন্তব্যৰ পিছতে জাঙুৰ খাই উঠিছে সদৌ অসম দেৱালয় সংঘ লগতে জাঙুৰ খাই উঠিছে ৰাজনৈতিক মহলৰ বিভিন্ন নেতাৰ লগতে বহুকেইটা সংগঠন ৷ আৰু অসম প্ৰদেশ কংগ্ৰেছৰ সভাপতি গৰাকীৰ বিৰুদ্ধে সদৌ অসম দেৱালয় সংঘই প্ৰশাসনক বিহিত ব্যৱস্থা লোৱাৰ বাবে আহ্বান জনাইছে।
ইতিমধ্যে প্ৰদেশ কংগ্ৰেছৰ সভাপতিৰ বিতৰ্কিত মন্তব্য বিৰুদ্ধে ভাৰতীয় জনতা যুৱ মৰ্চা লংকা থানাত এজাহাৰ দাখিল কৰিছে। উল্লেখ্য যে কংগ্ৰেছ সভাপতিগৰাকীয়ে কৰা মন্তব্য সন্দৰ্ভত সংবাদ মাধ্যমৰ সন্মুখত মুখ্যমন্ত্ৰী ড০ হিমন্ত বিশ্ব শৰ্মাই মুখ খুলিছে।
অসমৰ মুখ্যমন্ত্ৰী হিমন্ত বিশ্ব শৰ্মাই এই মন্তব্যৰ বিৰুদ্ধে তীব্ৰ প্ৰতিক্ৰিয়া প্ৰকাশ কৰি কয় যে, যদি কোনোবাই ভূপেন বৰাৰ বিৰুদ্ধে এজাহাৰ দাখিল কৰে, তেন্তে আৰক্ষীয়ে তেওঁক গ্ৰেপ্তাৰ কৰিবলৈ বাধ্য হ’ব ।
লগতে পঢ়ক : Modi vs Congress : প্ৰধানমন্ত্ৰী আৰু কংগ্ৰেছ নেতাৰ মাজত বাকযুদ্ধ তীব্ৰগতিত