ডিজিটেল ডেস্ক:- নগাঁও চহৰৰ লাওখোৱা পথত বুধবাৰে সংঘটিত হয় এক ভয়ংকৰ দুৰ্ঘটনা। জানিব পৰা মতে এখন ট্ৰাকে মহতিয়াই নিয়ে এজন পথচাৰিক ।ফলত থিতাতে নিহত হয় পথচাৰিজন ।জানিব পৰা মতে এ এছ -০১ -ডি -১৫৫২ নম্বৰৰ ট্ৰাক খনে লাওখোৱা পথত লক্ষীৰাম কলিতা নামৰ পথচাৰিজনক মহতিয়াই নিয়ে। যাৰ ফলত কলিতাৰ থিতাতে মৃত্যু হয় । ঘটনাক কেন্দ্ৰ কৰি অঞ্চলটোত উত্তেজনাময় পৰিস্থিতিৰ সৃষ্টি হয়।
ঘটনাৰ খবৰ পোৱাৰ লগে লগে ঘটনাস্থলীত নগাঁও যান বাহন আৰক্ষী উপস্থিত হৈ পৰিস্থিতি নিয়ন্ত্ৰণ কৰে। আৰক্ষীয়ে ট্ৰাক চালকজনক আটক কৰি থানালৈ লৈ যোৱাৰ লগতে নিহত লক্ষীৰাম কলিতাৰ মৃতদেহটো মৰণোত্তৰ পৰীক্ষাৰ বাবে নগাওঁ ভোগেশ্বৰী ফুকননী অসামৰিক চিকিৎসালৈ প্ৰেৰণ কৰে।মৰণোত্তৰ পৰীক্ষাৰ অন্তত মৃতদেহ পৰিয়ালৰ লোকক চমজাই দিয়ে। জানিব পৰা অনুসৰি, মৃত ব্যক্তিজন ডাক বিভাগৰ এজন কৰ্মচাৰী আছিল। কলিতাৰ মৃত্যুত অঞ্চলটোত এক শোকাকুল পৰিবেশৰ সৃষ্টি হয়।
