ডিজিটেল ডেস্ক: বহু লোকে প্ৰায়ে মূৰ ঘূৰোৱাৰ অভিযোগ কৰে।
আমাৰ বহুতৰে মাজতো এইটো এটা স্বাভাৱিক বিষয় কিন্ত এই বিষয়টো হ’ব পাৰে কোনো জটিল ৰোগৰো লক্ষন
হয় সাধাৰনতে আমি বহু সময়তে হঠাৎ উঠি দিলে মূৰ ঘোৰণীৰ অনুভৱ কৰো কিন্ত আমি ইয়াক সামান্য কথা বুলি আওকাণ কৰো৷
বেছিভাগ মানুহেই ৰাতিপুৱা বা বহি থকা অবস্থাৰ পৰা হঠাৎ থিয় হলে বা শুই উঠাৰ পিছত এই সমস্যা অনুভৱ কৰে। মূৰ ঘূৰোৱাৰ সমস্যাটো সাধাৰণ। কেতিয়াবা শৰীৰত তেজৰ অভাৱৰ বাবেও মূৰ ঘূৰোৱা দেখা যায়, কিন্তু যদি প্ৰতিদিনে বাৰে বাৰে মূৰ ঘূৰোৱা বা ভেৰ্টিগোৰ অভিযোগ হয়, তেন্তে ই কোনো গুৰুতৰ ৰোগৰ লক্ষণো হ’ব পাৰে।
আজি আমি আপুনালোকক কম মূৰ ঘোৰনীৰ কিছু জটিল কাৰকৰ বিষয়ে-
নিম্ন ৰক্তচাপ
সাধাৰণতে হঠাতে ৰক্তচাপ কমি যোৱাৰ ফলত মূৰ ঘূৰোৱা দেখা যায়। হঠাতে উঠি বা থিয় হ’লে এনে অনুভৱ হ’ব বেছি হব পাৰে। এনে অনুভৱ হয় কাৰণ কেতিয়াবা তেজত কিছুমান প্ৰতিক্ৰিয়া গতিৰ পলমকৈ অনুভৱ কৰা হয়। বয়সস্থ লোকৰ ভংগীমাৰ হাইপ’টেনচনৰ সমস্যাৰ বাবেও অনুভৱ হয় এনে মুৰ ঘোৰনী। ইয়াৰ কাৰণে থিয় হৈ থকাৰ পিছত অহা মূৰ ঘূৰোৱা তিনি মিনিট বা তাতোকৈ বেছি সময় অনুভৱ কৰিব পাৰি।
ব্ৰেইন টিউমাৰ
কিছুমান গুৰুতৰ ক্ষেত্ৰত মূৰ ঘূৰোৱাটোও ব্ৰেইন টিউমাৰৰ লক্ষণো হ’ব পাৰে। এই টিউমাৰটো মগজুৰ সেই অংশত বাঢ়িবলৈ আৰম্ভ কৰে যিয়ে ভাৰসাম্য নিয়ন্ত্ৰণ কৰে। ইয়াৰ বাবেই ভাৰসাম্য ৰক্ষা কৰাত অসুবিধা হয়।
মানসিক চাপ মানসিক চাপে মনৰ ওপৰত অতিৰিক্ত বোজা দিয়ে আৰু ই প্ৰথমে ব্যক্তিজনক মানসিকভাৱে প্ৰভাৱিত কৰে, পিছত ইয়াৰ প্ৰভাৱ শাৰীৰিকভাৱেও দেখা দিবলৈ আৰম্ভ কৰে। যাৰ কাৰণে যিসকল লোকে বেছি চিন্তা কৰে বা কিবা এটাই আমনি কৰি আছে, তেওঁলোকে যিকোনো সময়তে মূৰ ঘূৰনি অনুভৱ কৰে৷
মূৰ ঘূৰনী কেনেদৰে প্ৰতিৰোধ কৰিব জীৱনশৈলীৰ পৰিৱৰ্তন কৰক।
ধূমপান নকৰিব আৰু মদ নাখাব।
ৰক্তচাপ স্বাভাৱিক কৰি ৰাখিবলৈ চেষ্টা কৰক।
এনে বস্তু সেৱন নকৰিব, যাৰ প্ৰভাৱে ৰক্তচাপ বৃদ্ধি বা হ্ৰাস কৰে।
সুখী হ’বলৈ চেষ্টা কৰক।
পৰ্যাপ্ত পৰিমাণৰ পানী খাওক
সাৰ পোৱাৰ পিছত পোনে পোনে থিয় নহ’ব।
উজ্জ্বল পোহৰৰ সঁজুলিৰ পৰা আঁতৰি থাকক।
নিয়মিতভাৱে শৰীৰ পৰীক্ষা কৰাওলাগে।
স্বাস্থ্যসন্মত খাদ্য গ্ৰহণ কৰক।
সঠিক টোপনি লওক।
বহু সময়ত শৰীৰত তেজৰ অভাৱত ভাগৰুৱা আৰু মূৰ ঘূৰোৱাৰ সমস্যা হয়, এনে পৰিস্থিতিত আইৰণযুক্ত খাদ্য খাব লাগে। এনে অভ্যাস সমূহ গঢ়ি তুলিলে আপুনি অলপ হলেও মূৰ ঘোৰণীৰ পৰা সকাহ পাব পাৰে৷