নিউজ ডেস্ক, ৮ ছেপ্তেম্বৰ : বৰপেটা জিলাৰ অন্তৰ্গত কলগাছিয়াৰ উদমাৰী ২ নং বিকল্প ৰাজ্যিক ঘাইপথত সংঘটিত হৈছে এক ভয়াৱহ পথ দূৰ্ঘটনা।
মটৰ ছাইকেল আৰু ই-ৰিক্সাৰ লগত মুখামুখি সংঘৰ্ষৰ ফলত সংঘটিত হয় এই দুৰ্ঘটনাটো।
পথ দুৰ্ঘটনাত এজন কলেজীয়া ছাত্ৰ থিতাতে নিহত হোৱাৰ লগতে আন তিনিজন আহত হয়।
ঘটনাস্থলীত আৰক্ষী উপস্থিত হৈ মৃত আৰু আহত সকলক বৰপেটা চিকিৎসা মহাবিদ্যালয়লৈ প্ৰেৰণ কৰে।
নিহত বাইক আৰোহীজনক নৱজ্যোতি মহাবিদ্যালয়ৰ (Nabajyoti College Kalgachia) পঞ্চম ছেমিষ্টাৰৰ ছাত্ৰ মুসাৰফ হুছেইন বুলি জানিব পৰা গৈছে।
মৃত ছাত্ৰজনৰ ঘৰ বঙাইগাও জিলাৰ মাত্ৰাঘোলাৰ বুলি জানিব পৰা গৈছে।
