নিউজ ডেস্ক, ২৭ আগষ্ট : ন্যায়াধীশ উদয় উমেশ ললিতে ( Uday Umesh Lalit) শনিবাৰে ভাৰতৰ ৪৯ তম মুখ্য ন্যায়াধীশ (Chief Justice of India) হিচাপে শপত গ্ৰহণ কৰিছে। ৰাষ্ট্ৰপতি দ্ৰৌপডি মুৰ্মুৱে ৰাষ্ট্ৰপতি ভৱনত ন্যায়াধীশ ললিতৰ শপত গ্ৰহণ কৰাই।
২৬ আগষ্টত অৱসৰ গ্ৰহণ কৰা CJI ন্যায়াধীশ NV Ramanaৰ উত্তৰাধিকাৰী হৈছে উদয় উমেশ ললিত ।
ন্যায়াধীশ ললিতে এক স্পষ্ট শাসন নিশ্চিত কৰাৰ প্ৰতিশ্ৰুতি দিছে য’ত যিকোনো জৰুৰী বিষয় শীৰ্ষ আদালতৰ সংশ্লিষ্ট বিচাৰপীঠৰ সন্মুখত মুক্তভাৱে উল্লেখ কৰিব পাৰি।
তেওঁ আশ্বাস দিছিল যে উচ্চতম ন্যায়ালয়ত গোটেই বছৰটোত কমেও এটা সংবিধান বিচাৰপীঠে কাম কৰি থাকিব।
বিদায়ী চিজেআই ৰমনাই তেওঁৰ অন্তিম কৰ্মদিনত সকলো অমীমাংসিত বিষয়তালিকাভুক্ত কৰিব নোৱাৰাৰ বাবে ক্ষমা বিচাৰিছিল আৰু কৈছিল যে আদালতখন firefighting pendency হৈ আছে, যি মহামাৰী মাহবোৰত ভয়ংকৰভাৱে বৃদ্ধি পাইছিল।
ন্যায়াধীশ ললিত শীৰ্ষ ন্যায়ালয়ৰ ন্যায়াধীশ হোৱাৰ আগতে এজন প্ৰখ্যাত জ্যেষ্ঠ অধিবক্তা আছিল। তেওঁক ২০১৪ চনৰ ১৩ আগষ্টত উচ্চতম ন্যায়ালয়ৰ ন্যায়াধীশ হিচাপে নিযুক্ত কৰা হৈছিল।
ন্যায়াধীশ ললিত বাৰৰ পৰা পোনপটীয়াকৈ উচ্চতম ন্যায়ালয়ৰ বিচাৰপীঠলৈ উন্নীত কৰা হ’ব দ্বিতীয় গৰাকী CJI। ১৯৭১ চনৰ জানুৱাৰীত ত্ৰয়োদশ CJI হোৱা ন্যায়াধীশ এছ এম চিক্ৰি আছিল ১৯৬৪ চনৰ মাৰ্চ মাহত পোনপটীয়াকৈ শীৰ্ষ আদালতৰ বিচাৰপীঠলৈ উন্নীত হোৱা প্ৰথম অধিবক্তা।