খেলপথাৰত দুৰ্দান্ত ৰূপ ধাৰণ কৰা ৰ’নাল্ডো এতিয়া শোকত ভাঙি পৰিছে

কিছুদিন পূৰ্বে কন্যা আৰু পুত্ৰ যমজ সন্তানৰ পিতৃত্বৰ গৌৰৱ অৰ্জন কৰিছিল ৰ’নাল্ডোৱে। কিন্তু এই যমজ সন্তানৰ পুত্ৰ সন্তানটিৰ মৃত্যু হৈছে বুলি ৰ’নাল্ডোৱে সামাজিক মাধ্যম যোগে প্ৰকাশ কৰিছে।

প্ৰেয়সী জৰ্জিনা ৰ’ডৰিগেজৰ গৰ্ভত জন্মলোৱা যমজ সন্তানৰ ভিতৰত পুত্ৰক হেৰুৱাই খেলপথাৰত দুৰ্দান্ত ৰূপ ধাৰণ কৰা ৰ’নাল্ডো এতিয়া শোকত ভাঙি পৰিছে।

অৱশ্যে কন্যা সন্তাটি সুস্থ হৈ থকাৰ বাবে তেওঁক শক্তি দিছে বুলিও উল্লেখ কৰিছে। মৃত্যু হোৱা পুত্ৰ সন্তানটিক তেওঁ দেৱদূত আখ্যা দিছে।

আনহাতে এই কঠিন সময়ত তেওঁলোকৰ লগত চিকিৎসক আৰু নাৰ্ছসকলে থিয় দিয়াৰ বাবে ৰ’নাল্ডোৱে তেওঁলোকক ধন্যবাদ জনাইছে।

এই দুখৰ সময়ছোৱাত ৰ’নাল্ডোৱে তেওঁৰ পৰিয়ালৰ সৈতে সময় পাৰ কৰিব বিচাৰিছে। এই ক্ষেত্ৰত সকলোৰে সহযোগিতা আশা কৰিছে।