জম্মু-কাশ্মীৰত মৃত্যু অসমৰ চি আৰ পি এফ জোৱান

নিউজ ডেস্ক, ৪ ফ্ৰেব্ৰুৱাৰীঃ জম্মু-কাশ্মীৰৰ শ্ৰীনগৰত চি আৰ পি এফত নিয়োজিত অসমৰ এজন জোৱানৰ মৃত্যু হয়। আজি পুৱা উচ্চ ৰক্তচাপজনিত ৰোগত আক্ৰান্ত হয় ৩৫ বছৰীয়া জোৱানজনৰ মৃত্যু হয়। বটদ্ৰৱাৰ ৰাইডঙীয়া নাহৰহতীয়া গাঁৱৰ জোৱানজনৰ নাম দীপক কুমাৰ দাস। ২০০৪ চনত চি আৰ পি এফত নিয়োজিত হৈ দেশমাতৃৰ সেৱাত ব্ৰতী হোৱা জোৱানজনৰ মৃত্যুত সমগ্ৰ অঞ্চলটোত শোকৰ ছাঁ পৰিছে। মৃত্যুৰ সময়ত জোৱানজনৰ পত্নীৰ লগতে এজনী কন্যা সন্তানসহ আত্মীয়-স্বজনক ইহ সংসাৰত এৰি থৈ যায়। ইতিমধ্যে মৃতদেহটো শ্ৰীনগৰৰ পৰা নিজ বাসগৃহলৈ আনিবলৈ যো-যা কৰিছে।