ভাৰতত নতুনকৈ দুটা ভেকচিন ব্যৱহাৰত অনুমোদন।

নিউজ ডেস্কঃ অমিক্ৰনৰ সংক্ৰমণৰ লগে লগে দেশত কৰোনাৰ তৃতীয় লহৰৰ সংক্ৰমণৰো আশংকা ঘনীভূত হৈছে। কোভিডৰ বিশেষকৈ অমিক্ৰনৰ সংক্ৰমণ ৰোধৰ বাবে দুটাকৈ নতুন ক’ভিড ভেকচিন আৰু এটা এন্টি ভাইৰেল দৰৱৰ ব্যৱহাৰত অনুমোদন জনাইছে।
আজি কেন্দ্রীয় স্বাস্থ্য মন্ত্ৰালয়ে বায়’লজিকেল E ৰ ক’ৰ্বেভেক্স (CORBEVAX) আৰু ক’ভ’ভেক্স (COVOVAX) ৰ ব্যৱহাৰত অনুমোদন জনায়। ইয়াৰ লগতে কৰোনাৰ চিকিৎসাৰ বাবে জৰুৰীভাৱে ব্যৱহাৰ কৰাৰ ক্ষেত্রত এন্টি ভাইৰেল ড্ৰাগছ মলনুপিৰাভিৰ (MOLNUPIRAVIR) ৰ ব্যৱহাৰত অনুমোদন জনাইছে।
ক’ৰ্বেভেক্স হ’ল দেশৰ প্ৰথমটো RBD প্ৰটিন ভেকচিন। হায়দৰাবাদৰ বায়’লজিকেল-ই নামৰ প্ৰতিষ্ঠানটোৱে প্ৰস্তুত কৰিছে এই ভেকচিন। আনহাতে, পুনেৰ ছিৰাম ইনষ্টিটিউটে প্ৰস্তুত কৰিছে ক’ভ’ভেক্স। ইয়াৰ উপৰি ১৩ টা কোম্পানীয়ে জৰুৰী সময়ত প্ৰাপ্তবয়স্ক ৰোগীৰ ব্যৱহাৰৰ বাবে মলনুপিৰাভিৰ এন্টি ভাইৰেল ড্ৰাগছ উৎপাদন কৰিব।