ছাগলী চুৰি কৰি ওভতাৰ পথত ৰাইজৰ ৰোষত চোৰ ৷
ৰাইজে উত্তম-মাধ্যম শোধায় গতালে দৌলাশাল আৰক্ষীক ৷
ছাগলী চুৰি কৰি ওভতাৰ পথত ৰাইজৰ ৰোষত পৰিছে এটা ছাগলী চোৰ ৷ ছাগলী চোৰটোক গছত বান্ধি ৰাইজে উত্তম-মাধ্যম শোধায় গতাই দিলে দৌলাশাল আৰক্ষীক ৷ এই ঘটনা নলবাৰী জিলাৰ বৰক্ষেত্ৰী ৰাজহ চক্ৰৰ অন্তৰ্গত গোৰাক্ষাট্টাৰী গাঁৱৰ ৷ গোৰাক্ষাট্টাৰী গাঁৱৰ দক্ষিন প্ৰান্তৰ জলসম্পদ বিভাগৰ মঠাউৰিৰ পৰা গাঁৱখনৰ অমল নাথ নামৰ লোকজনৰ ছাগলী এটা দুই চোৰে চুৰি কৰি পলাবলৈ লওতে ৰাইজৰ ৰোষত পৰে এটা চোৰ ৷
ৰাইজৰ ৰুদ্ৰমুৰ্তি দেখি আন এটা চোৰ ঘটনাস্থলীৰ পৰা পলায়ন কৰে ৷ ধৃত চোৰটো দৌলাশাল আৰক্ষী চকীৰ অন্তৰ্গত কলপুতা চৰৰ ৰহমান আলীৰ পুত্ৰ আফটাৰ হুছেইন ৷
চোৰটোক ঘটনাস্থলীৰ পৰা ৰাইজে ধৰি আনি ছাগলীটোৰ গৰাকী অমল নাথৰ চোতালত বান্ধি থৈ আৰক্ষীক খবৰ দিয়ে ৷ ধৃত আফটাৰ হুছেইনে কেমেৰাৰ আগত চুৰি কাৰ্যৰ সমগ্ৰ কথা বৰ্ণনা কৰিছে ৷ আৰক্ষীয়ে ছাগলীসহ চোৰটোক আৰক্ষী চকীলৈ নি আনটো চোৰৰ সন্ধৰ্ভত চলাইছে অনুসন্ধান ৷