বাক্সা জিলাৰ বৰমাস্থিত কদমতল গাঁৱত দ্বাদশ বাৰ্ষিক শ্ৰীশ্ৰীগোপাল থানত ধৰ্মীয় উৎসৱ উদযাপন। মুকলি কৰে ৬২নং বৰমা বিধানসভা সমষ্টিৰ বিধায়ক মনেশ্বৰ ব্ৰহ্মই। উলহ মালহেৰে বাক্সা জিলাৰ বৰমাস্থিত কদমতলত বৃহস্পতিবাৰে দিনজোৰা কাৰ্যসূচীৰে দ্বাদশ বাৰ্ষিক শ্ৰীশ্ৰীগোপাল থানত ধৰ্মীয় উৎসৱ উদযাপন কৰা হয়। পুৱা ধৰ্মীয় ভাগৱত পাঠ, ইয়াৰ পিছতেই গৰখীয়া অনুষ্ঠান মুকলি কৰে বিধায়ক মনেশ্বৰ ব্ৰহ্মই। ধৰ্মীয় সভাত উপস্থিত থাকে প্ৰাক্তন ই এম তথা ২৪নং পৰিষদীয় সমষ্টিৰ বিপিএফ দলৰ প্ৰাৰ্থী অনসুমৈ শুংগুৰ বড়ো, কেন্দ্ৰীয় বিপিএফ দলৰ সাধাৰণ সম্পাদক প্ৰবীণ বড়ো আৰু ৫নং কোকৰাঝাৰ লোকসভা সমষ্টিৰ সাংসদ নৱ কুমাৰ শৰণীয়া। ক’ভিড প্ৰট’কলৰ বাবে এইবাৰ পূৰ্বৰ দৰে জাকজমকতাৰে উৎসৱ পালন কৰিব পৰা নাই বুলি জানিবলৈ দিয়ে উদযাপন সমিতিৰ সভাপতি উৎসৱ হাজৰিকাই। আলহীক আদৰিবলৈ মাৰ্চপাচ কৰে কদমতলা টাইকোৱানডো একাডেমীয়ে।
